اسلام آباد۔ 15 جولائی (اے پی پی) چین پاکستان اقتصادی راہداری نا رداٹ کشت وکشار نا بشخ ءِ خصوصی اہمیت تننگ انگ ءِ۔ سی پیک اتھارٹی کمامدارآتارداٹ چینی زرکارآتیکن کشت وکشار و فوڈ پروڈکشن، پروسیسنگ، لاجسٹک و مارکیٹنگ اٹ بھلو وارخواہی، کشت وکشار نا بشخ اٹی جائنٹ وینچرو بزنس ٹوبزنس رابطہ غاتے مون آ دننگ انگ ءِ۔ ہڑتوم آ کنڈآتا زرگزرانی کمکاری پین سوگو مریک۔ سی پیک نا ارٹ میکو مرحلہ نا رداٹ پاکستان اٹی چین نا کمک اٹ صنعتی انقلاب اس بریک۔ دا مرحلہ ٹی ملک انا ہر چار آ صوبہ، گلگت بلتستان، فاٹا و آزاد کشمیر اٹی جم وڑاٹ 9 صنعتی زون جوڑ کننگک۔ پاکستان و چین موسمیاتی بدلی، آبی بست وبند، جنگلات و کچٹی آن پاک چاگڑد نا بحالی نا بشخ آتیٹی کمکاری ءِ مون آ دننگ آ ہم خصوصی چکار کرینے۔
