اسلام آباد ۔ 14 جولائی (اے پی پی) صدر مملکت ڈاکٹر عارف علوی ءَ بنجاہی محتسبین ءَ را ارزاں ءُ زوت انصاف ءِ پھجارگ ءِ ھاترا ملک ءِ دوردرازدمگانی تاں ایکسیس گیش کنگ ءِ کڈنی دیان ءَ گوشت کہ استیں کانود ءِ تہ ترمیم کنان ءَ محتسب ءِ ادارگ ءَ را گیش گہتر جوڈ کنگ بیت، محتسب ءِ ادارگ وتی ریکاڑڈ ءَ را ڈیجیٹلائیز کن انت ءُ نوکتریں ٹیکنالوجیزءِ کارمرزی ءَ را سدکی جوڈ کن انت،ارزاں ءُ زوت ءِ انصاف ءِ پھجارگ ءِ ھاترا بنجاہی محتسب ءِ کرد ءِ باروا سرپدی ءِ ھاترا میڈٛیا جنز ھلائینگ بیت۔اے ھیالانی درشان آہاں سئے شمبے ءَ ایوان صدر ءِ تہ بنجاہی محتسبین کانفرنس ءَ گوں تران کنان ءَ کتگ انت۔ کانفرنس ءِ تہ بنجاہی محتسب سیّد طاہر شہباز، فیڈرل ٹیکس محتسب مشتاق احمد سکھیرا، فیڈرل انشورنس محتسب ڈاکٹر محمد خاور جمیل، بینکنگ محتسب محمد خرم شہزاد اور وفاقی محتسب برائےاینٹی ہراسمنٹ کشمالہ طارق ءَ بھر زوری کتگ۔ صدر مملکت ءَ گوشت کہ لس مردمانی شکاست ءِ ھلاسی،ارزاں ءُ زوت انصاف ءِ پھجارگ ءِ ھاترا استیں کانود ءِ تہ بدلی کنان ءَ محتسب ءِ ادارگ ءَ را گیش گہتر کن انت، بنجاہی محتسب انتظامی ناانصافی ءِ ھلاپ ءَ مردماں را انصاف ءِ پھجارگ ءِ تہ باز ھاسیں کرد ادا کنگ انت۔ آہاں بنجاہی محتسبین ءَ را ارزاں ءُ زوت ءِ انصاف ءِ پھجارگ ءِ ھاترا ملک ءِ دور دوریں دمگانی تاں ایکسیس گیش کنگ ءِ کڈنی داتگ۔صدر مملکت ءَ ارزاں ءُ زوتءِ انصاف ءِ پھجارگ ءِ ھاترا بنجاہی محتسب ءِ کرد ءِ باروا سرپدی ودی کنگ ءِ ھاترا میڈیا جنز ءِ ھم کڈنی داتگ۔ صدر مملکت ءَ گوشت کہ شریں نظم و نسق ءُ ارزاں ءُ زوتیں انصاف ءِ پھجارگ ءِ تہ کمک ءِ ھاترا محتسب وتی ریکارڈ ءَ را ڈیجیٹلائیز کن ایت ءُ نوکتریں ٹیکنالوجی ءِ کارمرزی ءَ را سدکی دارانت۔وفاقی محتسب سیّد طاہر شہباز ءَ وتی ادارگ ءِ کارکردگی ءِ باروا مچ ءِ بریفنگ داتگ۔آہاں کانفرنس ءَ را سرپد کتگ کہ وفاقی محتسب ءَ 2019ءِ ءِ تہ75,000 شکایات سرجم کتگ انت وھدیکہ 97 درسد پیسلہ سرا وڈ ءُ پیم بوتگ انت۔ فیڈرل ٹیکس محتسب مشتاق احمد سکھیرا ءَ کانفرنس ءِ شریدار ءَ را بریفنگ دیان ءَ گوشت کہ ایشی ءِ ادارگ ءَ 2019ءءِ تہ 3,171 ءَ چہ2,633 کیس سرجم کتگ انت۔ وفاقی محتسب برائے اینٹی ہراسمنت کشمالہ طارق ءَ کانفرنس ءَ را زالبولانی حقانی رکھگ ءِ باروا ادارگ ءِ کرد ءَ چہ سرپد کتگ۔ بینکنگ محتسب محمد خرم شہزاد ءَ سرپد کتگ کہ ادارگ ءَ 2019ءِ تہ 15,639 کیسز ءَ چہ 10,324 سرجم کنگ بوتگ انت۔ فیڈرل انشورنس محتسب ڈاکٹر محمد خاور جمیل ءَ کانفرنس ءِ شریداراں را وتی ادارگ ءِ نیمگا چہ 2019 ءِ تہ کتگیں گامگیج ءِ باروا سرپد کتگ۔ زوت انصاف ءِ پھجارگ ءِ تہ محتسب ءِ کرد ءُ شراکت ءَ را ساڑان ءَ گوشت کہ ملک مستر ءَ آئی ءَ ر امراد بات داتگ ءُ امیت ءِ درشان کتگ کہ آں بدانتظامی ناانصافیانی ھلاپ ءَ مہلوک ءِ کمک ءِ ھاترا وتی کوشست ءَ ر ابرجاہ دارانت۔
