اسلام آباد ۔ 14 جولائی (اے پی پی) بنجاہی وزیر انفارمیشن ٹیکنالوجی سیّد امین الحق ءَ گوشت کہ ارباں کلدار ءِ گیش بل دیم دیگ انت ءُ ریوینیو ءَ را ڈن ءَ دیم دیگ انت۔سئے شمبے ءَ پارلیمنٹ ہاوس ءِ دیما میڈٛیا ءَ گوں گپ ءُ تران کنان ءَ گوشت کہ مروچی ایم کیو ایم ءِ راجی اسمبلی ءِ باسکاں،سینیٹرز ءُ صوبائی اسمبلی ءِ باسکاں ءُ حاکمیں گل ءِ پارلیمنٹ باسکاں ءُ دومی گل ءِ پارلیمنٹ باسکاں پارلیمنٹ ہاوس ءِ دیما ایم کیو ایم ءِ کراچی الیکٹرک سپلائی کمپنی ءِ بے جاریں لوڈ شیڈنگ ءِ ھلاپ ننداک ءِ تہ ساڑی اتنت۔ حکومت ءِ منت واراوں کہ کراچی ءِ ھاترا 600 میگاواٹ توان ءَ را گیش کنان ءَ 800 میگا واٹ کرتگ انت وھدیکہ گیس ءِ سپلائی ءَ ر اگیش کنان ءَ 280 ایم ایم کیو کرتگ انت۔بنجاہی وزیر ءَ گوشت کہ ایم کیو ایم ءِ زہرشانی لوٹانی منظوری تاں برجاہ بہ بیت۔یک جست ءِ پسو ءَ آہاں گوشت کہ کے الیکٹرک ءِ 12 سالانی ریوینیوءِ آڈٹ کنائینگ بیت۔آہاں گوشت کہ کے الیکٹرک اِستیں انتظامیہ ءَ را مہتل کنگ بیت۔
