اسلام آباد ۔ 14 جولائی (اے پی پی) پاکستان ءُ ہنگری ءَ ٹیکس ءِ تک ءِ تہ کمک ءَ ر اپراھی دیگ ءِ ھاترا سئے شمبے ءَ ادا منوگر ءِ سرا دست چنگل کتگ انت۔اے ھوالہ ءَ فیڈرل بیوروآف ریونیو (ایف بی آر) ءِ ہیڈکوارٹرز ءِ تہ مراگش برجم دارگ بوتگ۔ ہنگری ءِ حکومت ءِ نیمگا چہ پاکستان ءِ تہ ہنگری ءِ سفیرزابواستوان ءُ ایف بی آر ءِ باسک ان لینڈ ریونیو آپریشنز ڈاکٹر محمد اشفاق احمد ءَ منوگرءِ سرا دست چنگل کتگ انت۔ معاہدہ ءِ ردا پاکستان ءُ ہنگری ڈبل ٹیکسیشن ءُ انکم ءِ سرا ٹیکسز ءَ چہ رکھگ ءِ گرودار ءِ ھاترا یک دومیگ ءِ گوما کمک کن انت۔ دوئیں ملکاں معلومداری ءِ مٹ ءُ سٹ ءِ آرٹیکل ءِ تہ بدلی کتگ انت تنکہ معاہدہ ءِ ردا ٹیکس ءِ معاملہانی باروا انتظامی کمک ءَ را نوکتریں معیار ءِ ردا جوڈ کنگ بیت معاہدہ ءِ ردا آرٹیکل 27 معلوم داری ءِ باروا مٹ ءُ سٹ ءِ باروا انت۔اے بدلی ءَ چہ معلومداری ءِ آرٹیکل ءِ ردا دست چنگل کنوکیں پریک معلومات ءِ مٹ ءُ سٹ کن انت۔ اے سبب ءَ دوئیں ملک وتی بینکانی ءُ فنانشل ادارگہانی نیمگا چہ پھجاراتگ ءِ معلومات ءِ مٹ ءُ سٹ کت کن انت۔
