اسلام آباد۔ 14 جولائی (اے پی پی) نیشنل کمانڈ اینڈ آپریشن سینٹر(این سی او سی) پڑی تا خلنگ نا بابت وڑوڈولءِ صوبہ غاتون شیئر کرینے ہراٹی المی جان جوڑی، گائیڈ لائن و سلاک اوار ءُ، مچ آ ملک اٹی اسہ جاگہ سے آ ہم شار انا تہہ ٹی پڑی خلنگپک، تدوک آ 24 گھنٹہ ٹی 1979 مثبت کیس رپورٹ مسنے، پین 50 کورونا زہمی بندغ زوال کرینو۔ مچ آ ملک اٹی اسہ لکھ 70 ہزار 656 بندغ کوروناوائرس ءِ شکست ترسا پورو دراخ جوڑ مسنو۔ این سی او سی نا رداٹ دا وخت آ مچ آ ملک اٹی 77 ہزار 628 کورونا ایکٹیو کیس ءُ۔ تدوک آ 24 گھنٹہ ٹی 21 ہزار 20 کورونا ٹیسٹ کننگانے، ہرافتے ٹی سندھ انا 8 ہزار 930، پنجاب نا 7 ہزار 375، خیبرپختونخوا نا 2 ہزار 98، بلوچستان نا 204، گلگت بلتستان نا 62 و آزاد کشمیر نا 337 ٹیسٹ اوار ءُ۔ آزاد کشمیر، گلگت بلتستان و بلوچستان اٹی اسہ ناجوڑ اس ہم وینٹی لیٹر آ اف۔ ملک انا ایلو بشخ آتیٹی 362ناجوڑ وینٹی لیٹر آٹی ءُ وخت اس کہ 1825 وینٹی لیٹر کورونا ناجوڑ آتے کن جتا کننگانے۔ داتم اسکان ملک اٹی 2 لکھ 53 ہزار 604 کورونا نا کیس مون آ بسنے ہرافتے ٹی آزاد کشمیر نا 1655، بلوچستان نا 11 ہزار 192، خیبر پختونخوا نا 30 ہزار 747، پنجاب نا 87 ہزار 494 و سندھ انا اسہ لکھ 6 ہزار 622 ناجوڑ اوار ءُ۔ داتم اسکان مچ آ ملک اٹی کوروناوائرس آن جم مرک آتا کچ 5 ہزار 320 مسنے ، ہرافتے ٹی سندھ انا 1826، پنجاب نا 2026، خیبر پختونخوا نا 1106، اسلام آباد نا 155، گلگت بلتستان نا 36، و آزاد کشمیر نا 45 مرک اوار ءُ۔ داتم اسکان مچ آ ملک اٹی 16 لکھ 6 ہزار 190 ٹیسٹ کننگانے۔ مچ آ ملک انا 737ہسپتال آتیٹی 4 ہزار ناجوڑ درمان مننگ ءُ۔
