اسلام آباد۔ 14 جولائی (اے پی پی) کوویڈ۔ 19 نا جہانی دین آن پد ہم جون 2020ء ٹی ترسیلات زر انا ہلنگ اٹ 50.73 درسد ودکی مسنے۔ اسٹیٹ بینک آف پاکستان (ایس بی پی) نا رپورٹ نا رداٹ کوروناوائرس نا سوب آن مچ آ دنیا ٹی اقتصادی سست مننگ آن پد ہم جون 2020ء ٹی سمندر پار پاکستانی تا کنڈآن مون تروک آ ترسیلات زر اٹ 50.73 درسد ودکی مسنے و داٹی 2.466 ارب ڈالر نا ترسیلات زر ہلنگانے۔ رپورٹ نا رداٹ مالی سال 2019-20ء ٹی ترسیلات زرانا ہلنگ اٹ جم وڑاٹ 6.36 درسد ودکی مس و سال اٹی سمندر پار رہینگوک آ پاکستانیک 23.12ارب ڈالر پاکستان آ گدریفینے وخت اس کہ مالی سال 2018-19ء ٹی ترسیلات زر نا ہلنگ 21.74ارب ڈالر رہینگاسس۔ ایس بی پی نا رداٹ مئی 2020ء نا مقابلہ ٹی جون 2020ء ٹی ترسیلات زر انا ہلنگ 32 درسد نا ودکی اتون 1.866 ارب ڈالر نا مقابلہ ٹی 1.466ارب ڈالر اسکان ودانے۔ تدوک آ مالی سال اٹی امریکہ غان غٹ آن زیات 4.16 ارب ڈالر نا ترسیلات ملانے وخت اس کہ برطانیہ غان 3.4 ارب ڈالر و سعودی عرب و متحدہ عرب امارات اٹ رہینگوک آ پاکستانیک 5.4 ارب ڈالر مون تسنو۔
