تدوک آ 24 گھنٹہ ٹی کوروناوائرس نا پین 69 ناجوڑ دنیا ءِ اِلار، 2769پوسکن ءُ مثبت کیس رپورٹ، 3341 کورونا ناجوڑ وینٹی لیٹر آٹو، اسہ لکھ 61 ہزار آن زیات ناجوڑ پورو دراخ جوڑ مسنو، این سی او سی

اسلام آباد۔ 13 جولائی (اے پی پی) نیشنل کمانڈ اینڈ آپریشن سینٹر (این سی او سی) کوروناوائرس نا بابت تازہ انگا حساب وکتاب ءِ جاری کرینے۔ ملک انا چندی بشخ آتیٹی کوروناوائرس نا پین 69 ناجوڑ دنیا ءِ اِلانو، تدوک آ 24 گھنٹہ ٹی 22 ہزار 532ٹیسٹ کننگا ہرافتیان 2769پوسکن ءُ مثبت کیس رپورٹ مس، 3341کورونا ناجوڑ وینٹی لیٹر آٹو، کورونا ناجوڑ آتیکن 1825وینٹی لیٹر جتا کننگانے، آزاد کشمیر تون اوار 3 صوبہ غاتیٹی اسہ ناجوڑ اس ہم وینٹی لیٹر آ اف، اسہ لکھ 61 ہزار 917ناجوڑ کوروناوائرس ءِ شکست ترسا پورو دراخ جوڑ مسنو۔ این سی او سی نارداٹ تدوک آ 24 گھنٹہ ٹی مروک آ ٹیسٹ آتیٹی سندھ انا 10ہزار 976، پنجاب نا 7451، کے پی کے ، نا 1931، اسلام آباد نا 2093، بلوچستان نا 402 و آزاد کشمیر نا 332 ٹیسٹ اوار ءُ۔ داتم اسکان مچ آ ملک اٹی کورونانا 2 لکھ 51 ہزار 625پک کیس مون آ بسنے ہرافتے ٹی آزاد کشمیر نا 1599، بلوچستان نا 11 ہزار 185، گلگت بلتستان نا 1671، اسلام آباد نا 14 ہزار 108، کے پی کے، نا 30 ہزار 486، پنجاب نا 87ہزار 23 و سندھ انا اسہ لکھ 5 ہزار 533 کیس اوار ءُ۔ داتم اسکان مچ آ ملک اٹی کورونا نا 5 ہزار 266ناجوڑ کزیت کرینوہرافتے ٹی سندھ انا 1795، پنجاب نا 2013، کے پی کے نا1099، اسلام آباد نا 153، بلوچستان نا 126، گلگت بلتستان نا 36و آزاد کشمیر نا 44 بندغ اوار ءُ۔ داتم اسکان مچ آ ملک اٹی 15 لکھ 85 ہزار 170 ٹیسٹ کننگانے۔ ملک انا 733 ہسپتال آتیٹی 3589 ناجوڑ درمان مننگ ءُ۔