اوغان حکومت نا خصوصی درخواست آ 15 جولائی آن واہگہ بارڈرکراسنگ نا کمک اٹ اوغان برآمد آتے بحال کننگ نا فیصلہ

اسلام آباد۔ 13 جولائی (اے پی پی) پاکستان اوغان حکومت نا خصوصی درخواست آ 15 جولائی آن واہگہ بارڈرکراسنگ نا کمک اٹ اوغان برآمدآتے بحال کننگ نا فیصلہ کرینے۔ اوغان ٹرانزٹ ٹریڈ اٹی کوویڈ۔ 19 نا بابت غٹ پروٹوکول آتیا عملدرآمد کننگک۔ دوشنبے نادے آ ترجمان دفترخارجہ نا رداٹ پاکستان غٹ بارڈرکراسنگ ٹرمینل آتیا کوویڈ۔ 19 آن مست انا اسٹیٹ آتا رداٹ اوغان ٹرانزٹ اٹ آسراتی و ٹرانزٹ ٹریڈ معاہدہ نا رداٹ ہڑتوم آ کنڈآتا واپار و اوغان ٹرانزٹ ٹریڈ ءِ بحال کرینے۔ ترجمان نا پاننگ ءِ کہ پاکستان اوغانستان تون واپار تون اوار غٹ بشخ آتے ٹی تینا ہڑتوم آ کنڈآتا تعلقداری تے پین سوگو کننگ و اے پی ٹی ٹی اے نا رداٹ اوغانستان نا ٹرانزٹ ٹریڈ اٹ آسراتی تننگ کن پرعزم ءِ۔