این سی او سی نا مرکزی ٹیم خصوصی دیوان اٹی بشخ ہلنگ کن لاہور آ سرمس

اسلام آباد۔ 13 جولائی (اے پی پی) این سی او سی نا مرکزی ٹیم لاہور آ سرمس، چیئرمین این سی او سی اسد عمر و این سی او سی نیشنل کوارڈینیٹر لیفٹیننٹ جنرل حمود الزمان نا کماشی ٹی این سی او سی نا خصوصی دیوان مریک۔ وزیراعلیٰ پنجاب دیوان اٹی خصوصی بشخ ہلیک وخت اس کہ اسلام آباد، آزاد جموں و کشمیر و ایلو صوبہ غاتا نمائندہ غاک ویڈیو لنک انا کمک اٹ دیوان اٹی بشخ ہلیرہ۔ لاہور اٹی مروک آ دیوان اٹی بھلاعئید انا وخت آ ایس او پی تیا عملدرآمد و پِڑی تا مینجمنٹ نا چرجوئی ٹی غٹ صوبہ غاک حوال ایترہ۔ ہاٹ سپاٹ ایریہ، سمارٹ لاک ڈاؤن، کانٹیکٹ ٹریسنگ نا بابت خصوصی جاچ ہلنگک۔ کورونا نا برخلاف پاکستان نا کوشست آتے گچین کننگ کن انفارمیشن ٹیکنالوجی، ڈیجیٹل پلیٹ فارم و چندی ڈیجیٹل ایپلی کیشن تا کاریم اٹ اتنگ ہم اینو نا خصوصی دیوان نا ایجنڈا نا بشخ ءِ۔ ہر صوبہ غان دا اولیکو دیوان مریک، داوڑنا دیوان ایلو صوبائی دارالحکومت آتیان ہم اڈتننگک۔ صوبائی دارالحکومت اٹ مروک آ دا دیوان نا مسخت کورونا دین انا برخلاف قومی یکجہتی، ویل آتا گچین تفہیم، ہم گرنچی ودی کننگ تون اوار اوار صوبہ غاتا کورونا نا برخلاف کارکڑد انا ستاءِ کننگ نا ءِ۔ بنجائی وزیر داخلہ اعجاز شاہ پنجاب اٹی بھلو عئید انا پِڑی و محرم الحرام نا بابت ہم دیوان نا کماشی ءِ کیک۔