بنجائی وزیر توانائی، پٹرولیم عمرایوب خان کمشنر ہزارہ ظہیر السلام نا شرف اٹ تروک آ دے انا اِرغ اٹ بشخ ہلک

ہری پور۔ 13 جولائی (اے پی پی) بنجائی وزیر توانائی، پٹرولیم و قدرتی وسیلہ عمرایوب خان خصوصی سلہ غا کمشنر ہزارہ ظہیر السلام نا شرف اٹ تروک آ سپاروکی دے انا اِرغ اٹ بشخ ہلک۔ داوخت آ اوگپ وتران کرسا کمشنر ہزارہ نا انتظامی باندات آتا ستاءِ کرے و اوڑکن نیک است خواہی تا درشانی ءِ کرے۔ کمشنر ہزارہ سید ظہیرالسلام نا شرف اٹ این آر ٹی ایس ہری پور نا گیسٹ ہاؤس اٹ سپاروکی دے انا اِرغ اس تننگا۔ خصوصی سلہ غا بنجائی وزیر توانائی، پٹرولیم و قدرتی وسیلہ عمرایوب خان، مسکوہی صوبائی وزیر یوسف ایوب خان، صوبائی وزیر تعلیم اکبرایوب خان، ایم پی اے و چیئرمین ڈیڈک ارشد ایوب خان تون اوار ہزارہ ریجن نا غٹ انتظامی آفیسر آک بشخ ہلکر۔ بنجائی وزیر عمرایوب خان دا وخت آ گپ وتران کرسا کمشنر ہزارہ نا انتظامی باندات آتا ستاءِ کرے و اوڑکن پین نیک است خواہی تا درشانی ءِ کرے۔ کمشنر ہزارہ سید ظہیر السلام داوخت آ السی نمائندہ غاتا کنڈآن انتظامیہ تون پورو کمک و اوفتاشاندار السی خذمت آتیا سفت ءِ کرسا غٹ تر اختہ ئی تیان پد ہم سپاروکی پارٹی ٹی بشخ ہلنگ آ اوفتا منت واری ءِ ہرفے۔