وزیراعظم عمران خان نا یوم شہدائے کشمیر نا وخت آ تینا ٹویٹ اٹی کشمیری تے جموں و کشمیر آ جابرانہ بھارتی کوزہ نا برخلاف برجا جہد آ خراج تحسین

اسلام آباد۔ 13 جولائی (اے پی پی) وزیراعظم عمران خان یوم شہدائے کشمیر نا وخت آ کشمیری تے جموں و کشمیر آ غیر کانودی و جابرانہ بھارتی کوزہ نا برخلاف برجا جہد آ خراج تحسین پیش کرسا پارینے کہ 13 جولائی 1931 نا شہید آک اینو نا کشمیری مزاحمت نا بن و بنداو ئسر۔ دوشنبے نادے آ یوم شہدائے کشمیر آ تینا ٹویٹ کلہو اٹی وزیراعظم عمران خان پارے کہ 13 جولائی 1931نا شہید آتا اولیاد آک نسل آتیان آجوئی کن تینا جان تے دلدست آتخانو اینو ہم او آبادی تتون رزاک آ سرفوک آ حالیت (ڈیموگرافک انجینیئرنگ) نا کمک اٹ کشمیری تے چٹفنگ و اوفتا شناخت ءِ گم کننگ آ جک سلوک نسل پرست ہندوتوا سرکار نا برخلاف جیرت و نرزوری اٹ مون تننگ ءُ۔ وزیراعظم پارے کہ پاکستان مدام پورو واک اتون کشمیری تا حق خودارادیت نا مخ تفی ءِ کرینے و مقبوضہ جموں و کشمیر نا غاصبانہ بھارتی تسلط آن پورو آجوئی اسکان دا منصفانہ جہد نا پشتیبانی ءِ برجاتخک۔ اوپارے کہ آجوئی نا ہمودے داسہ زیات مُراف۔