صدر ءِ مملکت ڈاکٹر عارف علوی ءِ نیمگ ءَ پاکستانی امب آنی ڈن ءَ روان دیگ ءِ واستہ گامگیج، کرغزستان ءَ پاکستانی سفارت خانہ ءِ بشکیک ءِ سٹی سینٹر ءَ امب آنی نماش آنی بندوبست، نماش ءِ تہ ءَ سٹور مالک ءُ ایندگر فروٹ آںی ڈن ءَ روان دیگ ءِ جتا جتائیں شوبگ آنی مردم آں بھر زوری کت، پاکستانی سفارتخانہ ءِ صدر پاکستان ءِ نیمگ ءَ کرغزصدر ءُ مزن وزیر ءِ واستہ امب آنی ٹیکی پیش کت

اسلام آباد ۔ 13 جولائی (اے پی پی) صدر مملکت ڈاکٹر عارف علوی ءِ نیمگ ءَ پاکستانی امب آنی ڈن ءَ روان دیگ ءِ واستہ گامگیج رد ءَ کرغستان ءَ پاکستان سفارتخانہ ءِ دارالحکومت بشکیک ءِ سٹی سینٹر ءَ امب آںی نماش ءِ بندوبست کت۔ نماش ءَ نامداریں سٹور آںی مالک ءُ فروٹ ءِ ڈن ءَ روان دیوک آں ھوار زندمان ءِ جتا جتائیں شوبگ آں گوں سیادی داروکیں مردم آں بھر زوری کت۔ اے موہ ءِ سر ءَ پاکستان سفارتخانہ ءَ صدر ءِ پاکستان ءِ نیمگ ءَ کرغز صدر ءُ مزن وزیر ءِ واستہ امبت آنی ٹیکی پیش کت۔ دو شمبے ءَ ایوان ءِ صدر ءِ نیمگ ءِ میڈیا کارگس ءِ نیمگ ءَ جاڑی بوتگیں پریس ریلیز ءِ رد ءَ بھر زوروکیں مردم آں واھگ آںی درشان کت ءُ پاکستانی امب آنی کوالٹی ءِ گوما سفارتخانہ ءِ اے گامگیج ءَ را ساڑات۔ نماش ءِ تہ ءَ بھر زوروکیں مردم آں وتی وتی ھیال آنی درشانی ءَ کنان ءَ بشکیک ءَ پاکستانی سفارتخانہ ءَ را یک شلی ءِ گوما ایونٹس آنی بندوبست کنگ لوٹ ایت، ایشی ءَ چہ دوئیں ملک آنی نیام ءَ تجارتی یکوئی آناں گیش دیمروئی رسیت ۔ ایشی ءَ ابید نامداریں بامرد آں ھوار، وزیر ، پارلیمنٹ ءِ باسک، چیمبر آف کامرس ءِ اگدہ دار ءُ ایندگر ٹوھ ٹوھیں کارندہ آناں امب آنی ٹیکی دیگ بوت ، آواں پاکستانی امب ءِ تام ، بُو ءُ جوانی ءِ توسیپ کت۔