بنجاھی وزیر اھوالکاری ءُ شنگ کاری سینیٹر شبلی فراز ءِ ویڈیو بیان

اسلام آباد ۔ 13 جولائی (اے پی پی) بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ بلاول بھٹو زرداری ءَ وتی ویڈیو بیان ءَ کپتگیں زبان ءِ کارمردی کتگ، زالبول ءِ ھوالگ ءَ اے رنگیں زبان ءِ کارمردی سکیں کپتگیں کار ات، خان صاحب ءَ را اچ کس ءَ مسٹر 10 پرسنٹ نہ گوشتگ، ناکہ کسے ءَ آئی یے گوہار ءِ بابت ءَ تران کتگ، ما بلاول بھٹو ءِ بھتام آناں سک باز مذمت گراں۔ دو شمبے ءَ ویڈیو بیان ءَ بنجاھی وزیر سینیٹر شبلی فراز ءَ گوشت کہ مزن وزیر ءُ آئی ءِ گوھار ءِ بابت ءَ گپ ءُ تران آئی ءَ زیب نہ دینت چیا کہ مزن وزیر ءِ گوہار ءَ را سیاست ءَ گوں اچ سیادی نیست۔ آئی ءَ گوشت کہ بلاول بھٹو اے رنگیں تران مہ کنت ، آ نوکی واب ءَ پاد اتکگ یا سرڈگاری راستی ءَ گوں اچ سرپدی نیست، بلاول بھٹو ءِ ھاسیں کمکار آں آئی ءَ را سمجاھینتگ، اے رنگیں تران کنگ ءَ چہ بلاول بھٹو ءَ وتی مذاق جوڑ کتگ۔ آئی ءَ گوشت کہ گوستیں مزن مزنیں پارٹی آناں لاڑکانہ ءَ چہ ڈن درکپگ نیشتگ۔ بنجاھی وزیر شبلی فراز ءَ گوشت بلاول بھٹو سیاسی رنگ ءَ مایوسی ءِ آماچ انت، بلاول بھٹو ءِ کرا سیاسی رنگ ءَ اچ رنگیں ایجنڈا نیست ھمے ھاترا آ اے وڑیں تران کنت۔ آئی ءَ گوشت کہ عمران خان ءِ سر ءَ اچ وڑیں کرپشن ءِ بھتام جنگ ءَ چہ پیسر بلاول بھٹو زرداری ءَ را 10 رند ءَ سسا کنگ لوٹگی ات۔ آئی ءَ گوشت کہ بلاول بے سر ءُ پادیں گپ ءِ مٹوئی ءَ وتی ءُ وتی ھاندان ءِ ھوالگ ءَ پرس بوتگیں جست آنی پسو ءَ بدنت۔