چیئرمین این ڈی ایم اے لیفٹیننٹ جنرل محمد افضل ءَ کراچی ءَ جتا جتائیں ہسپتال آنی تر ءُ تاب

کورونا وائرس ءَ گوں گر ءُ چیل بوھگ ءِ ھاترا ساز ءُ سامان آنی تہ ءَ ھوار، وینٹی لیڑز، سرجمیں ایکوپیڈ بیڈز ءُ ایندگر سامان آنی بابت ءَ سرجمیں ھال پرسی کت
اسلام آباد ۔ 13 جولائی (اے پی پی) نیشنل ڈیزاسٹر مینجمنٹ اتھارٹی ءِ چیئرمین لیفٹیننٹ جنرل محمد افضل ءَ کراچی ءَ جتا جتائیں ہسپتال آنی تر ءُ تاب کت ءُ آھودا استیں کورونا وائرس ءَ گوں گر ءُ چیل بوھگ ءَ واستہ این ڈی ایم اے نیمگ ءَ ضلوریگیں ساز ءُ سامان آنی تہ ءَ وھواریں وینٹی لیٹرز، سرجمیں ایکوپیڈ بیڈز ءُ ایندگر سامان آنی ھوالگ ءَ سرجمیں مالوم داری زرت۔ آئی ءَ عباسی شہیدد ہسپتال ءَ استیں کورونا وارڈ ءِ تر ءُ تاب کت ءُ کورونا ءِ ریض آناں داتگیں آسراتی آنی بابت ءَ جست ءُ پرس کت۔ ہسپتال انتظامیہ ءَ چئیرمین این ڈی ایم اے ءَ را ہسپتال ءَ را کورونا ءَ چہ رکھینگ ءُ مریض آنی علاج ءُ درمان ءِ بابت ءَ گوشت ۔ این ڈی ایم ءِ نیمگ ءَ عباسی شہید ہسپتال ءِ واستہ 125 سرجمیں ایکوپیڈ بیڈز، 18 وینٹی لیٹرز ءُ 29 بائی پپ ءَ ابید سامان آنی پجاری کنگ بوتگ۔ لیفٹیننٹ جنرل محمد افضل ءَ قطر ہسپتال اورنگی ءِ ھم تر ءُ تاب ھم کت وھدیکہ این ڈی ایم اے ءِ ٹیمب ءَ سندھ گورنمنٹ ہسپتال لیاقت آباد ءُ سندھ گورنمنٹ ہسپتال کورنگی ءِ تر ءُ تاب کت ءُ ادارگ ءِ نیمگ ءَ کورونا وائرس ءِ ھوالگ ءَ داتگیں آسراتی آںی بابت ءَ مالوم داری گپت۔