سپیکر راجی اسمبلی اسد قیصر ءِ یوم شہدائے کشمیر سرا کلوھ

اسلام آباد ۔ 12 جولائی (اے پی پی) سپیکر قومی اسمبلی اسد قیصر ءَ گوشت کہ آجوئی ءِ ھاترا کشمیریاں لازوال قربانی داتگ انت،بھارت ءِ دستاں شہید بوتگیں اے معصومیں کشمیریانی ھون ضیان مہ بیت ءُ ہمہ روچ دیر نیست انت وھدیکہ کشمیری ءِ باسی وتی حق خودارادیت ءِ جدوجہد ءِ وسیلگ کشمیر ءِ تہ آزاتی ءِ روچ برز بوان ءَ چارانت، کشمیرءِ جیڈھ برصغیر ءِ بھر ءُ بانگ ءِ ناسرجم ایجنڈہ انت ایشی ءِ حل کنگ ءِ ابید جنوبی ایشیاء ءِ تہ امن ءِ برجاہی ناممکن انت، ا ے ھیالانی درشان آہاں یوم شہداء کشمیر ءِ موہ سرا وتی کلوھ ءِتہ کتگ، ہمہ 13 جولائی ءَ سرجمیں ملک ءِ تہ عقیدت ءُ احترام ءَ گوں گوازینگ انت۔ سپیکر اسد قیصر ءَ گوشت کہ گوستگیں 11 ماہ چہ کشمیر ءِ تہ بھارت ءِ فاشسٹ حکومت ءِ نیمگا چہ زوری لاک ڈاون برجاہ انت، ایشی ءِ سبب ءَ ہزاراں کشمیری شہید بوتگ انت۔ آہاں گیش گوشت کہ کشمیر ءِ تہ گوستگیں 72 سالاں چہ ہزاراں ماتانی جگر ءِ ٹکر کوشگ بوتگ انت ءُ زالبولانی بے شرپی ءُ شرپ پادمال کنگ ءِ واکیہ دیم اتکگ انت۔آہاں گوشت کہ کرفیو ءِ سبب ءَ کشمیری مہلوک ءِ بنیادی ضڷورت زند ءِ وروکیں چیزانی کمی ءِ سامنا انت۔ آہاں گوشت کہ میاں اوستمانی براتری ءِ سرا زور مان کتگ کہ آں کشمیرءِ تہ بھارت ءِ نیمگا چہ زلم ءِ ترندی ءَ گوں نوٹس ءَ زورایت۔سپیکر اسد قیصر ءَ گوشت کہ خطہ ءِ تہ سوگو ءِ امن ءِ برجاہی ءِ ھاترا کشمیر ءِ جیڈھ الم انت۔