نیشنل کمانڈ اینڈ آپریشن سینٹر، کورونا وائرسءِ باروا نوکتریں ھساب ءُ کتاب جاڑی

اسلام آباد ۔ 12 جولائی (اے پی پی) نیشنل کمانڈ اینڈ آپریشن سینٹر (این سی او سی) ءَ کورونا وائرس ءِ باروا نوکتریں ھساب ءُ کتاب جاڑی کتگ انت، ملک ءِ لہتیں دمگاں 393 کورونا مریض وینٹیلیٹر سرا انت،کورونا مریضانی ھاترا 1820 وینٹیلیٹرز ایر انت ، آزاد کشمیر ءِ ھوار 3 صوبگانی تہ ہچ نادراہ ءِ وینٹیلیٹر سرا نیست انت، یک لکھ 56ہزار 700 نادراہ کورونا وائرس ءَ را پروشت دات سرجم جان دراھ بوتگ انت۔ این سی او سی ءِ گوشگ ءِ ردا گوستگیں 24 کلاکانی تہ 24ہزار 211 ٹیسٹ کنگ بوتگ انت ایشاں چہ 2521 پازیٹو کیسز رپورٹ بوتگ انت۔سرجمیں ملک ءِ تہ 86ہزار 975 ایکٹو کیسز انت ۔ گوستگیں 24 کلاکانی تہ 70 گیش کورونا نادراہ بیران بوتگ انت۔گوستگیں 24 کلاکانی تہ کتگیں ٹیسٹانی تہ سندھ ءِ 10ہزار815، پنجاب ءِ8ہزار292، کے پی کےءِ 2392، اسلام آبادءِ 1917، بلوچستان ءِ 97 ءُ آزاد کشمیر ءِ 375 ٹیسٹ ھوار انت۔ تنیگہ ملک ءِ تہ کورونا ءِ 2لکھ 48ہزار872 مصدقہ کیسز دیم اتکگ انت۔ایشانی تہ آزاد کشمیر 1564، بلوچستان ءِ 11ہزار157، گلگت بلتستان ءِ1658، اسلام آباد ءِ 14ہزار23، کے پی کے ،ءِ30ہزار78، پنجاب ءِ86ہزار556 ءُ سندھ ءِ یک لکھ 3ہزار836 کیسز ھوار انت۔ تنیگہ سرجمیں ملک ءِ تہ کورونا ءِ 5ہزار 197نادراہ بیران بوتگ انت ایشانی تہ سندھ ءِ سندھ ءِ 1747، پنجاب ءِ 2006، کے پی کےءِ1087، اسلام آباد ءِ 152، بلوچستان ءِ 126، گلگت بلتستان ءِ 36ءُ آزاد کشمیر ءِ43 مردم ھوار انت۔تنیگہ سرجمیں ملک ءِ تہ 15لکھ 62ہزار638 ٹیسٹ کتگ انت۔ملک ءِ 733 نادراہ جاہانی تہ 4152 نادراہاں را طبی آسراتی دیگ بوھگ انت۔