چاریں صوبگ ءُ اسلام آباد ءِ تہ رجسٹرڈ اوگان باھوٹیانی 6 ہزار 5 سد ءَ چہ گیش حقداریں ھاندانانی تہ کمک بھر ءُ بانگ

اسلام آباد ۔ 12 جولائی (اے پی پی) یو این ایچ سی آر پاکستان سرجمیں ملک ءِ تہ کووڈ۔19 ءِ لاک ڈاون چہ آماچ بوتگیں حقداریں اوگان باھوٹیانی تہ احساس ایمرجنسی کیش پروگرام ءِ ردا مالی کمک ءِ پروگرام پاکستان پوسٹ ءَ گوں ھواری برجاہ ایر کتگ انت، اے درگت ءَ چاریں صوبگانی ءُ اسلام آباد ءِ تہ رجسٹرڈ اوگان باھوٹیانی 6 ہزار 5 سد چہ گیش حقداریں ھاندانانی تہ کمک بھر ءُ بانگ کتگ انت۔ یواین ایچ سی آر ءِ ربالکار ءَ اے پی پی ءَ را سرپد کتگ کہ حکومت پاکستان وزارت سیفران ،تہی کارانی وزارت ءُ دری کارانی وزارت ءِ کمک ءَ گوں پاکستان ءِ تہ نشتگیں رجسٹرڈ اوگان باھوٹ ہمہ کہ کووڈ۔19 ءِ لاک ڈاون ءِ سبب ءَ چہ سکیں وڈ ءَ آماچ بوتگ انت آہاں را یو این ایچ سی آر پاکستان،پاکستان پوسٹ ءِ کمک ءَ گوں 12 ہزار کلدار ہمک ھاندان ءَ را دیگ بوھگ انت تنکہ آں وتی ضلورتانی چیزاں گپت کن انت۔آہاں گوشت کہ بلوچستان ءِ شہر کوئٹہ، صوبہ خیبرپختونخوا، اسلام آباد ءِ تہ اوگان باھوٹیانی ءِ حقداریں رجسٹرڈ ھاندانانی تہ پاکستان پوسٹ ءِ کمک ءَ گوں 12 ہزار کلدار 36 ہزار افغان باھوٹانی ھاندانانی تہ اولی بھر ءَ بھر ءُ بانگ کنگ بوھگ انت۔