اسلام آباد ۔ 10 جولائی (اے پی پی) مزن وزیر ءِ ھاسیں کمکار برائے اھوالکاری ءُ شنگ کاری چئیرمین سی پیک اتھارٹی لیفٹیننٹ جنررل (ر) عاصم سلیم باجوہ ءَ گوں مزن وزیر آزات کشمیر فاروق حیدر خان ءَ گوں گند ءُ نند کت۔ آدینگ ءِ روچ ءَ چاگردی تنج ٹویٹر جنرل (ر) عاصم سلیم باجوہ ءَ وتی ٹویٹ ءَ گوشتت کہ مزن وزیر آزات کشمیر فاروق حیدر خان ءَ گوں گند ءُ نند ءَ دو نیمگی کار آںی سر ءَ ھیال ریچی کنگ بوت۔ آئی ءَ گوشت کہ چین ءِ تھری گورجیز ڈیم ءُ گیز ہوبا کمپنی ءِ سی ای اوز آں آئی ءَ گوں گند ءُ نند کت۔ اے گند ءُ نند ءِ مول ءُ مراد کوہالہ پاور ءُ آزات پتن منصوبگ ءَ را پکو کنگ ءَ کمک رسیت ءُ ایشانی پکوئی ءِ واستہ سرجمیں کمک ءِ پجاری ءِ پد ءَ سی پیک اتھارٹی ءِ شگر ءُ منت گرگی ات۔ اے منصوبگ آنی سر ءَ 4 ارب ڈالر سرمایہ کاری کنگ بوت وھدیکہ ایشاں چہ 1800 میگاواٹ سستائیں توان ءِ پیداوار ءُ 8000 مزدگری آنی موہ پیداک بنت۔
