مڈ کیرئیر منیجمنٹ کورس کنوکیں سرکاری اپسرگ الس ءِ گہبود ءُ ملک ءُ راج ءِ دیمروئی ءِ واستہ ایمانداری ءَ گوں وتی فرض آں پیلو بکن انت، صوبائی وزیر ھزانگ ظہور احمد بلیدی

کوئٹہ10جولائی ( اے پی پی ) صوبائی وزیر خزانہ ظہور احمد بلیدی ءَ گوشت کہ مڈ کیرئیر منیجمنٹ کورس سرجم کنوکیں سرکاری اپسرگ الس ءِ گہبودد ءُ ملک ءُ راج ءِ دیمروئی ءِ واستہ وتی محکمہ آنی تہ ءَ برونت ءُ ایمانداری ءِ گوما وتی فرض آں پیلو کن انت ایشی ءَ چہ نا ایوک ءَ حکومتی کار کرد ءِ تہ ءَ گیشی بیت بلکینگ ءَ شہیری آنی مشکل آنی تہ ءَ کمی کئیت ءُ آیوکیں باھند آنی آیوکیں باندات محفوظ بیت۔ اے ھیالانی درشانی آئی ءَ آدینگ ءِ روچ ءَ نیشنل انسٹی ٹیوٹ آف مینجمنٹ (NIM) کوئٹہ ءَ 29 مڈ کیر ئیر منیجمنٹ کورس ءِ گڈی مراگش ءَ ھاسیں مہمان ءِ بستار ءَ گشتانک دیان ءَ کت۔ اے موہ ءِ سر ءَ ڈائریکٹر جنرل نم کوئٹہ ڈاکٹر سعد خان ءَ دیوان ءَ را گشتانک دیان ءَ ایشی ءِ مول ءُ مراد ءُ نم کوئٹہ ءِ کار کرد ءِ سر ءَ چمشانک ھم دات۔