عبدالعزیز کا میلوف ءَ شاہ محمود قریشی ءِ زوت جان سلامتی ءِ واستہ نیکیں واھگ آنی درشان
اسلام آباد ۔ 10 جولائی (اے پی پی) ازبکستان ءِ وزیر ءِ درئی کار عبدالعزیز کامیلوف ءَ وتی پاکستانی ھمکار شاہ محمود قریشی ءِ کورونا وائرس ءِ آماچ بوھگ ءِ پد ءَ آئی ءَ گوں دلپدردی ءِ درشان کنگ ءَ ھوار آئی ءَ گوں ھال پرسی کت۔ آدینگ ءِ روچ ءَ وزیر ءِ درئی کار ءَ یک نمدی ءِ تہ ءَ وزیر ءِ درئی کار مخدوم شاہ قریشی ءِ زوت جان سلامتی ءِ واستہ نیکیں واھگ آنی درشان کت۔ وزیر ءِ درئی کار ءَ ھال پرسی ءُ زوت جان سلامتی ءِ واستہ نیکیں واھگ آنی درشانی ءِ پد ءَ ازبکستان ءِ وزیر ءِ درئی کار عبدالعزیز کامیلوف ءِ شگر ءُ منت گپت۔
