اسلام آباد۔ 09 جولائی (اے پی پی) وزیراعظم عمران خان قوم آن بھلاعئید ءِ سادہ ئی اٹ کننگ نا خواست کرسا داوخت آ ایس او پی تیا عملدرآمد کننگ آ زور شاغانے۔ بھلا عئید آ لاپرواہی آن کورونانا تالان مننگ نا گڑتی ءِ، نن ہموملک آتیٹی اوار اُن ہراڑے کورونا نا دین نا شدت کم مننگ ءِ، اگہ نن احتیاط کینہ تو دنیا نا مقابلہ ٹی دا مشکل حالیت آتیٹی جوان وڑاٹ پیش تمنہ۔ داخیال آتا درشانی ءِ او پنچ شنبے نادے آ بنجائی دارالحکومت اٹ آئسولیشن ہسپتال و دینی مرض آتا درمان نا پوسکن آ ہند انا بناءِ کننگ نا وخت آ کرے۔ داوخت آ بنجائی وزیر ڈٹ بندی، شونداری و اصلاحات اسد عمر، بنجائی وزیر حوالکاری وشینکاری سینیٹر شبلی فراز، آرمی چیف جنرل قمر جاوید باجوہ، چین نا پاکستان اٹی متعین سفیر و بڑزکو ایلو کمامدارآک ہم ساڑی ئسر۔ وزیراعظم عمران خان پارے کہ کورونا دین و لاک ڈاؤن نا مشکل حالیت آتیان پد ہم چنکو وخت اسے ٹی پوسکن ءُ ہسپتال اس جوڑ کننگ آ این ڈی ایم اے ءِ مچ آ قوم انا کنڈآن خراج تحسین پیش کیوہ۔ دا ہسپتال اٹی کٹ، عملہ تون اوارغٹ پوسکن آ آسراتیک اریر۔ اوپارے کہ الس نا کنڈآن چنکا عئید ا لاپرواہی نا درشانی ءِ کننگاسس ہرانا سوب آن کورونا ترندی اٹ تالان مس، ہسپتال، فرنٹ لین ورکرڈاکٹرنرس آتیا دباؤودا، مرک آتے ٹی ودکی مس۔ اوپارے کہ حکومت کوروناناتوننگکن لاک ڈاؤن خلک، این سی او سی پارت جاری کرے ہراڑآ عملدرآمد کن صوبائی حکومت آک کمک کریر ہرانا سوب جولائی ٹی دین انا شدت نناگمان آن کم ئس۔ داوخت آ نن ہمو ملک آتیٹی اوار اُن ہراڑے کورونا دین انا شدت شیف ہِننگ ءِ۔ دنیا نا ایلو ملک آتا مقابلہ ٹی پاکستان اٹی کم مرک مسنے۔ وزیراعظم الس آن خواست کرے کہ او بھلاعئید آ چنکا عئید آنبار لاپرواہی کپس انتئے کہ زیات مخلوق نا مچ مننگ آن کورونا ترندی اٹ تالان مریک۔ اوپارے کہ عئید قربان آ لاپرواہی آن کورونا تالان مریک۔حکومت دا عئید انا بابت جامع ایس او پی اس جوڑ کرینے۔ اوالس آن خواست کرے کہ او قوم، ملک و تینا بزرگ آتے داناجوڑی آن بچفنگ کن عئید ءِ سادہ ئی اٹ کیر۔ اوپارے کہ اگہ نن احتیاط کینہ تو دنیا نا مقابلہ ٹی دا مشکل حالیت آتیٹی جوان وڑاٹ پیش تمنہ۔ داوخت آ چیئرمین این ڈی ایم اے لیفٹیننٹ جنرل محمد افضل وزیراعظم ءِ ہسپتال اٹی ساڑی آسراتی تیا حوال تس۔ 250 کٹ آتیا تالان دا ہسپتال 40 دے انا ریکارڈ مد اٹ تفنگانے۔ ہسپتال نا تفنگ آن بنجائی دارالحکومت نا ہسپتال آتیا دباؤ کم مریک۔
