اسلام آباد ۔ 9 جولائی (اے پی پی) صدر مملکت ڈاکٹر عارف علوی ءَ میڈیکل یونیورسٹی ءِ سر ءَ زور پر دات کہ آ نرسنگ پروگرام آنی سر ءَ دلگوشی بہ دنت ءُ نرسنگ ءِ نودبر آنی کساس ءِ تہ ءَ گیشی بکنت تانکہ ملک ءِ اندر ءَ نرسز آنی تہ ءَ کمی پیلو بہ بیت۔ اے ھیالانی درشانی آئی ءَ پنچ شمبے ءِ روچ ءَ ایوان ءِ صدر ءَ شہید ذوالفقار علی بھٹو میڈیکل یونیورسٹی ءِ سینیٹ دیون ءِ سروکی ئِ ساھت ءَ کت۔ صدر ءِ مملکت ءَ میڈیکل یونیورسٹی ءِ سر ءَ زور پردات کہ آ نودربر آنی زانشت ءِ کد ءُ بالاد ءِ تہ ءَ گہتری بیار انت ءُ در ملکی نودربر آناں ھم وتی نیمگ ءَ واھشت ایگ بکن انت۔ ایوان ءِ صدر ءِ نیمگ ءَ جاڑی بوتگیں بیان ءِ رد ءَ شہید ذوالفقار علی بھٹو میڈیکل یونیورسٹی ءِ وائس چانسلر پروفیسر تنویر خالق ءَ صدر مملکت ءَ را جان سلامتی ءِ وانشت ءِ ھاترا یونیورسٹی ءِ کرد ءِ بابت ءَ پریزنٹیشن دات۔ دیوان ءَ اولی سینیٹ دیوان ءِ کاروائی (منٹس) ءِ منظوری ءَ ابید یونیورسٹی ءِ سروس رولز ءِ منظوری ھم دیگ بوت۔ سینیٹ دیوان ءَ نونیورسٹی ءِ ھمک سالی بجٹ ءِ منظوری ءَ ابید سینیٹ سینڈیکیٹ ءِ واستہ دو ڈینز ءُ فنانس ءُ پلاننگ کمیٹٰ ءِ واستہ سینیٹ ءِ یک ممبر ءِ نامینگی منظوری ھم دیگ بوت۔ دیوان ءِ تہ ءَ مزن وزیر ءِ ھاسیں کمکار برائے سی ڈی اے علی اعوان، وائس چانسلر شہید ذوالفقار علی بھٹو میڈیکل یونیورسٹی پروفیسر تنویر خالق، پرووائس چانسلر پروفیسر سیدّہ بتول مظہر، کنٹرولر چکاس پروفیسر طارق اقبال ، سینیٹ ءِ باسک ، جان سلامتی شوبگ ءَ گوں بندوکیں کلانہ ایں زانتکار ءُ میڈیکل کالجز ءِ پرنسپلز آں بھر زوری کت۔
