اسلام آباد ۔ 9 جولائی (اے پی پی) مزن وزیر عمران خان ءَ گوں گورنر سندھ عمران اسماعیل ءَ پنچ شمبے ءِ روچ ءَ ادا گند ءُ نند کت۔ ایشی ءِ تہ ءَ آئی ءَ صوبہ ءِ سندھ ءِ جاور ھال ءُ ھاسیں رنگ ءَ کورونا وائرس ءِ جاور ھال آنی سر ءَ ھیال ریچی کنگ بوت۔ مزن وزیر کارگس ءِ میڈیا ونگ ءِ نیمگ ءَ جاڑٰی بوتگیں بیان ءِ رد ءَ گورنر سندھ ءَ کورونا ءِ ھوالگ ءَ مزن وزیر ءِ وژن ءُ کامیاتیں گامگیج آناں ساڑات۔ گند ءُ نند ءَ کے الیکٹرک ءِ جیڈھ آنی سر ءَ گپ ءُ تران کنگ بوت۔ کے الیکٹرک ءِ سیادی داروکیں جیڈھ آنی گیواری ءِ واستہ مزن وزیر ءَ بنجاھی وزیر اسد عمر ، ھاسیں کمکار شہزاد قاسم ءُ گورنر سندھ ءَ را پنت ءُ شون کت کہ کے الیکٹرک انتظامیہ ءَ گوں زوت گند ءُ نند کنگ بہ بیت تانکہ جیڈھ آنی گیواری زوت بہ بنت۔
