اسلام آباد۔ 09 جولائی (اے پی پی) اسلام آباد آئیسولیشن ہسپتال و انفیکشن ٹریٹمنٹ سینٹر پنچ شنبے آن فعال مسنے، 250 کٹ آتیا تالان پوسکن آ ہسپتال 40 دے انا ریکارڈ مد اٹ پورو مسنے۔ این سی او سی نا رداٹ داوخت آ ملک اٹی کوروناوائرس نا ایکٹو کیس آتا کچ 90 ہزار 554 ءِ، اسہ لکھ 45 ہزار 311 بندغ کوروناءِ شکست ترسا پورو دراخ جوڑ مسنو۔ تدوک آ 24 گھنٹہ ٹی 24 ہزار 333ٹیسٹ کننگا ہرافتیان 3359مثبت کیس رپورٹ مسنے۔ کوروناوائرس نا سوب 61 بندغ دنیا ءِ الانو۔ داوخت آ گلگت بلتستان، بلوچستان و آزاد کشمیر اٹی اسہ ناجوڑ اس ہم وینٹی لیٹر آ اف۔ مچ آ ملک اٹی 1568 وینٹی لیٹر کورونا نا ناجوڑ آتیکن جتا کننگانے ہرافتیان 435 کاریم اٹ اتنگ انگ ءُ۔ داوخت اسکان مچ آ ملک اٹی 2 لکھ 40 ہزار 848پک کیس ءُ وخت اس کہ داتم اسکان جم مرک آتا کچ 4 ہزار 983 ءِ، 10 ہزار آکسیجنیٹڈ کٹ آتیان 1758 کٹ کاریم اٹ اتنگ انگ ءُ۔
