اسلام آباد۔ 09 جولائی (اے پی پی) وزیراعظم نا خصوصی کمکار قومی جان جوڑی ڈاکٹر ظفرمرزا تینا و تینا خاہوت نا کنڈآن اونا جان جوڑی کن دعا و نیک است خواہی نا درشانی ءِ کروک آتا منت واری ءِ ہرفینے۔ پنچ شنبے نادے آ تینا ٹویٹ اٹی ڈاکٹر ظفرمرزا پارے کہ ہرا ہزار آ مخلوق کنا و کنا خاہوت نا دراخ جوڑی کن نیک است خواہی نا کلہو مون تسر و دعا کریر اوفتے کن ای ہم نیک است خواہی نا درشانی ءِ کیوہ۔ اوپارے کہ ای کورونا وائرس نا معمولی علامت آتون دراخ جوڑ مننگ و کاریم ہم برجاءِ۔ اوپارے کہ کوروناوائرس آن زہمی کیس آتا کچ اٹی کمتی بننگ آن پد ہم داسکان نرمی کننگ نا ہچ ءُ گنجائشت اس اف۔ اومستی پارے کہ ٹیسٹ آتا کچ اٹ ودکی نا گرج ءِ ہراڑکن ننا ٹیم کاریم کننگ ءِ۔
