اسلام آباد۔ 09 جولائی (اے پی پی) بنجائی وزیر توانائی عمرایوب خان پارینے کہ کراچی نا الس ءِ ویل آتیان کشنگ کن بنجائی حکومت خصوصی گام گیج کننگ ءِ، کے الیکٹرک ءِ 200 میگاواٹ ودکی بجلی نا پیدوار کن پین 30 ایم ایم سی ایف ڈی گیس ایتنہ، نیپرا ٹی سندھ انا نمائندہ حکومت سندھ پندار کرینے، سندھ حکومت دانا برخلاف پبی کارروائی کے، نیپرا ٹی کے الیکٹرک نا باندات آ پگہ سماعت ءِ کراچی ٹی لاپرواہی اٹ دیر سلنگ آ شکست آتا زموار آتا برخلاف سندھ حکومت کارروائی کے۔ اوداہیت ءِ پنچ شنبے نادے آ قومی اسملبی ٹی آغارفیع اللہ و ایلو باسک آتا چکاری نوٹس آ پارے۔ عمر ایوب پارے کہ نیپرا کابینہ ڈویژن نا تحت بریک، کے الیکٹرک نا ویل سال آتیان ءِ۔ ساڑی حکومت کراچی ءِ بجلی نا سپلائی نا باندات آ کاریم کننگ ءِ، دا وخت اسکان کراچی ءِ 30 ہزار میٹرک ٹن ایندھن 100 ایم ایم سی ایف ڈی گیس کراچی الس نا مشکل آتے مُرکننگ کن تننگ ءِ۔ کے الیکٹرک نا سسٹم دُن اف کہ نیشنل گریڈ آن پین بجلی دوئی کننگ کے، کراچی ایسٹ و ویسٹ اٹ اِرا گریڈ اسٹیشن جوڑ کننگ انگ ءِ۔ اوپارے کہ نیپرا ٹی چار صوبائی نمائندہ مریرہ و اسلام آباد آن چیئرمین اس مریک، سندھ انا باسک آک ’کے الیکٹرک ‘ نا رکھ انا جاگہ غا تینا فعال کڑد ءِ ادا کیر، او حکومت سندھ انا کنڈآن پارت ایترہ۔ شکست آتے ٹی زوال کروک آتا معاوضہ ءِ کم کننگ اٹ ہم سندھ اناباسک آک کمتی نا کوشست کریر، دروہم اسہ واقعہ اس مسنے ، دافتا نوٹسءِ ہلنگانے۔ اوپارے کہ نن داوخت آ الس نا ڈکھ آتا ازالہ ءِ کین، 200 میگاواٹ بجلی نا فراوانی کن پین گیس تننگ اُن تانکہ کراچی نا شاری تے ریلیف ملے۔ آغارفیع اللہ پارے کہ کے الیکٹرک تون ہرا معاہدہ مسنے اونا جاچ ءِ ہلنگے، اگہ سندھ انا نمائندہ سہی کاریم کپننگ ءِ تو اودے اینک کننگے۔ حکومت ایکشن ہلے نن اوڑتون تفنہ۔ کنا حلقہ ٹی اِرا مزور شہید مسنو۔ عمر ایوب پارے کہ کے الیکٹرک نا ویل آتے ایسر کننگ ننا زمواری ءِ، اِرا اسیجا ڈیلوری پوائنٹ جوڑ کننگ والا اُن۔ دا معاہدہ غان اسہ کنڈ انا گڑاک ءُ، کے الیکٹرک نا ویل آتے نیپرا ہُننگ ءِ، پگہ آخا ایلودے دیوان اس ہم مننگ ءِ، پی پی پی سندھ حکومت نا نمائندہ ءِ پارت ایتے، بشامی آ پِرک بناکیرہ ہموڑے ہراتم دیر مچ مریک تو دانا زمواری صوبائی حکومت نا ءِ، ایف آئی آر زموار آتا برخلاف ہم بایدے مرے۔ شگفتہ جمعانی پارے کہ کے الیکٹرک والاک پارہ کہ نن نجی ادارہ سے اُن ہراتم بجلی مفک تو واٹر پمپ امر چلینگک۔ اوکے الیکٹرک معاہدہ نا سرجم آتیان ایوان ءِ معلومدار کننگ نا خواست کرے۔
