مزن وزیر عمران خان ءِ کوویڈ 19 ءِ جاور ھال آنی ھوالگ ءَ چار ءُ تپاسی دیوان ءَ پنت ءُ شون

اسلام آباد ۔ 8 جولائی (اے پی پی) مزن وزیر عمران خان ءَ کورونا ءِ گر ءُ دار ءِ ھوالگ ءَ پازیٹو آسر آنی پد ءَ دل یکیمی ءِ درشان ءَ کنان ءَ گوشت کہ کورونا ءِ گراف یک شلی ءَ جھل ءَ کپان انت ایش جوانیں گپ ات، این سی او سی ءِ دیوان صوبائی دارالحکومت آنی تہ ءَ برجم دارگ بنت ءُ صوبگ آنی کوآرڈینیشن ءَ چہ انتظامی گامگیج آناں گیش جوانیں رنگ ءَ گہتر کنگ ، مزنیں ائید ءِ موہ ءَ رکھینگی گامگیج ءُ ایس او پیز آنی سر ءَ ترندی ءَ گوں پد ءُ رندی کنگ بہ بیت۔ اے ھیالانی درشانی آئی ءَ وتی سروکی ءَ کوویڈ 19 ءِ جاور ھال آنی ھوالگ ءَ چار ءُ تپاسی دیوان ءِ ساھت ءَ کت۔ دیوان ءَ بنجاھی وزیر محمد حماد اظہر، مخدوم خسروبختیار ، اعجاز احمد شاہ، سید فخر امام، اسد عمر، مشیر عبدالرزاق داوئو، ھاسیں کمکار لیفٹیننٹ جنرل (ر) عاصم سلیم باجوہ، شہباز گل، فوکل پرسن ڈاکٹر فیصل سلطان، چیئرمین این ڈی ایم اے لیفٹیننٹ جنرل محمد افضل ءُ ایندگر کلانہ ایں اپسرگ آں بھر زوری کت۔ مزن وزیر ءَ را کورونا ءِ استیں جاور ھال ، دمگی جاور ھال ، سمارٹ لاک ڈائون ءِ سر ءَ گامگیج آنی جوانیں آسر، ہسپتال آنی تہ ءَ کوویڈ ءِ واستہ لوٹ بوتگیں آسراتی بیڈز آنی تہ ءَ گیشی ءِ جاور ھال ءُ ھاسیں رنگ ءَ مزنیں ائید ءُ محرم ءَ کورونا ءِ شنگ ءُ تالانی ءَ را گر ءُ دار ءِ واستہ گامگیج آنی سر ءَ سرجمیں برینفگ دیگ بوت۔ مزن وزیر ءَ را گوشگ بوت کہ اے وھد ءَ سرجمیں ملک ءِ 30 شہر آنی تہ َ 227 ھند آنی تہ ءَ سمارٹ لاک ڈائون کنگ بوھگ ءَ انت۔ انوگ ءَ تاں سمارٹ لاک ڈائون ءِ جوانیں رند پد دیم ءَ سہرا بوتگ۔ دیوان ءَ را گوشگ بوت کہ پڑ ءِ ایندگر ملک آنی تجروبت آں چہ اے گپ دیم ءَ اتکگ کہ کورونا ءِ گر ءُ دار ءِ ھوالگ ءَ سرجمی ءَ لاک ڈائو2ن جنگ ءِ پد ءَ معاشی ڈکال ءِ سبب ءَ لاک ڈائون ھلاس کنگ ءِ مٹوئی ءَ کورونا ءِ گیش شنگ ءُ تالانی ءُ بیرانی گیش بوتگ۔ ایشی ءِ مٹ ءَ سمارٹ لاک ڈائون ءِ گامگیج ءِ پد ءَ جوانیں رند پد دیم ءَ سہرا بوتگ۔ مزن وزیر ءَ را گوشگ بوت کہ کورونا کیس آنی تہ ءَ کمی ءِ بدولت ءَ ہسپتال آنی تہ ءَ رش ءُ کش باز کم بوتگ۔ مزن وزیر ءَ را گوشگ بوت کہ کورونا ءِ مریض آںی واستہ گیشینتگیں آسراتی والا ایں بیڈز آںی کساس انوگ ءَ تاں پانزدھ سد گیشی کنگ بوتگ وھدیکہ آیوکیں لستیں روچ آںی تہ ءَ ایشی ءِ کساس دو ہزار ءُ پنچ سد ءَ تاں سر بیت۔ مزن وزیر ءَ کورونا ءِ گر ءُ دار ءِ ھوالگ ءَ جوانیں آسر آنی پد ءَ دل یکیمی ءِ درشان کت ءُ گوشت کہ کورونا ءِ گراف ھم روچ گیش جھل کپان انت۔ مزن وزیر ءَ پنت ءُ شون کت کہ این سی او سی ءِ دیوان صوبائی دارالحکومت آنی تہ ءَ برجم دارگ بہ بیت ءُ صوبائی حکومت ءُ انتظامی آنی گوما کمی ءُ کورآرڈینیشن ءَ چہ انتظامی گامگیج آناں گیش گہتر کنگ بہ بیت۔ مزنیں ائید ءِ ھوالگ ءَ رد ءُ بند کتگیں گامگیج آنی سر ءَ تران کنان ءَ مزن وزیر ءَ گوشت کہ گوستگیں ائید ءِ تجروبت آناں دیم ءَ ایر کنان ءَ مزنیں ائید ءِ موہ ءَ رکھینگی گامگیج ءُ ایس او پیز آنی سر ءَ ترندی ءَ گامگیج کنگ بہ بیت۔