کوروناوائرس، تدوک آ 24 گھنٹہ ٹی 2 ہزار 980 مثبت کیس رپورٹ، 83بندغ زوال کریر، اسہ لکھ 40 ہزار 965 ناجوڑ پورو دراخ جوڑ، ٹی ٹی کیو حکمت عملی نا رداٹ 30 شارتیٹی وخت آ ہاٹ سپاٹ نا پیدواری ءِ کننگا، این سی او سی

اسلام آباد۔ 08 جولائی (اے پی پی) نیشنل کمانڈ اینڈ آپریشن سینٹر (این سی او سی) کوروناوائرس نا بابت تازہ انگا حساب وکتاب جاری کرینے، تدوک آ 24 گھنٹہ ٹی 2 ہزار 980 مثبت کیس رپورٹ مس، اسہ لکھ 40 ہزار 965 ناجوڑ کوروناوائرس ءِ شکست ترسا پورو دراخ جوڑ مسر۔ ٹی ٹی کیو حکمت عملی نا رداٹ 30 شارتیٹی وخت آ ہاٹ سپاٹ نا پیدواریءِ کرے، دا علاقہ غاتیٹی دین انا مون ءِ توننگ کن ٹارگٹڈ لاک ڈاؤن الس نا جان جوڑی ءِ پک کیک۔ این سی او سی نا رداٹ جان جوڑی نا چاہندار آتا مشورہ ءِ کہ دُن کہ الس تدوک آ 4 آن 6 ہفتہ و خاص کر چنکا عئید انا وخت آ راجی فاصلہ، ماسک انا کاریم اٹ اتنگ تون اوار ایس او پی تیا عملدرآمد کریر ہنداوڑ بھلا عئید اٹی ہم ہنداوڑ کمکاری ءِ برجاتخر، داڑآن انتظامیہ ءِ دین انا مون ءِ توننگ اٹ کمک رسینگک۔ کوروناوائرس نا سوب آن تدوک آ 24 گھنٹہ ٹی 83 بندغ دنیاءِ الار۔ تدوک آ 24 گھنٹہ ٹی 21 ہزار 951 ٹیسٹ کننگا ہرافتے ٹی سندھ انا 9 ہزار 317، پنجاب نا 7 ہزار 659، کے پی کے نا 2017، اسلام آباد نا 2078، بلوچستان نا 505، گلگت بلتستان نا 82و آزاد کشمیر نا 293ٹیسٹ اوار ءُ۔ مچ آ ملک اٹی کوویڈ۔ 19 نا ناجوڑ آتیکن 1573وینٹی لیٹر جتا کننگانے۔ ہرافتیان 442وینٹی لیٹر کاریم اٹی ءُ۔ داوخت اسکان مچ آ ملک اٹی کوروناوائرس آن جم وڑاٹ 4 ہزار 922 مرک مسنے ہرافتے ٹی پنجاب نا 1929، سندھ انا 1614، کے پی کے نا 1045، اسلام آباد نا 140، گلگت بلتستان نا 30 و آزاد کشمیر نا 40 مرک اوار ءُ۔ داتم اسکان مچ آ ملک اٹی 14 لکھ 67 ہزار 104 کورونا ٹیسٹ کننگانے۔ مچ آ ملک انا 733 ہسپتال آتیٹی 4567کورونا ناجوڑ درمان مننگ ءُ۔