تحصیل آفس اسلام آباد اٹی ساہدارتا ہسپتال نا جوڑ کننگ و لینڈ ریکارڈ مینجمنٹ سسٹم نا جوڑ کننگ تون اوار چار ڈٹ آتیکن 297 ملین روپئی جتا

اسلام آباد۔ 08 جولائی(اے پی پی) بنجائی حکومت اسلام آباد نا پولیس اسٹیشن ءِ پوسکن آ وڑوڈول آتیا اتنگ تحصیل آفس اسلام آباد اٹی ساہدار تا ہسپتال نا جوڑ کننگ و لینڈ ریکارڈ مینجمنٹ سسٹم کن اینخو مالی سال 2020-21ء نا بجٹ نا سرکاری بشخ انا شونداری پروگرام (پی ایس ڈی پی) نا رداٹ داخلہ ڈویژن نا ڈٹ آتیکن 297.135ملین روپئی جتا کرینے۔ وزارت داخلہ نا سرکاری حوالی نا رداٹ بنجائی حکومت اسلام آباد اٹی جوڑ پولیس اسٹیشن ءِ ماڈل پولیس اسٹیشن اس جوڑ کننگ کن اینخو مالی سال 2020-21ء نا بجٹ اٹی اسلام آباد پولیس نا تھانہ غاتے پوسکن آ وڑوڈول آتیا اتنگ کن 200 ملین روپئی جتا کرینے وخت اس کہ ڈٹ آ جم وڑاٹ 1288.406ملین روپئی نا کساس ءِ خلنگانے۔ اسلام آباد اٹی تحصیل آفس سیکٹر جی الیون فور انا جوڑ کننگ نا جاری ڈٹ آتیکن 30 ملین روپئی جتا کننگانے وخت اس کہ ڈٹ انا جم وڑاٹ خڑچ 351 ملین خلنگانے۔ اسلام آباد اٹی ساہدار تا ہسپتال نا جوڑ کننگ کن 17.135 ملین روپئی جتا کننگانے۔ حوالی نا رداٹ اسلام آباد آئی سی ٹی نا رورل ایریا نا لینڈ ریکارڈ مینجمنٹ سسٹم کن 50 ملین روپئی جتا کننگانے وخت اس کہ ڈٹ انا جم وڑاٹ خڑچ 192 ملین روپئی خلنگانے۔