صوبائی حکومت، بنجائی وزارت و ادارہ غاتا کمک و گچین حکمت عملی نا سوب آن پاکستان اٹی کوروناوائرس نا دین اتون مون تننگ کن قومی کوشست آک سرسہبی اٹ ہمکنار ءُ، نیشنل کمانڈ اینڈ آپریشن سینٹر

اسلام آباد۔ 08 جولائی (اے پی پی) نیشنل کمانڈ اینڈ آپریشن سینٹر(این سی او سی) نا صوبائی حکومت بشمول آزاد وجموں کشمیر، گلگت بلتستان، بنجائی وزارت و ادارہ غاتا کمک و گچین حکمت عملی نا سوب آن پاکستان اٹی جہانی دین کوروناوائرس تون مون تننگ کن قومی کوشست آک سرسہبی اٹ ہمکنار ءُ، کوروناوائرس ٹیسٹنگ نا لائخی 472 آن ودفسا ہڑدے ئی 60 ہزار ٹیسٹ، ٹیسٹنگ لیبارٹری تے 2 آن ودفسا 132 کننگ، ہندی کہول آ وینٹی لیٹر آتا تیاری ٹی خودانحصاری تون اوار اوار ہسپتال آتے 1227 آکسیجن کٹ آتا فراوانی، کوویڈ۔ 19 نا تالانی ءِ توننگ کن 31 ایس او پی تا تیاری، 60 ہزار طبی عملہ ءِ ہیل تننگ، 65 ملک آتیٹی گٹ اسہ لکھ آن زیات پاکستانی تے پی آئی اے و درملکی 478 جہاز آتے اٹ وطن آ پدی اتنگ تون اوار ایلو گام گیج آتے جست کننگا۔ این سی او سی نا رداٹ کورونا نا برخلاف پاکستان نا کوشست، پاکستان نا وخت آ و سہی گام گیج آتا سوب آن نئے بیرہ گچین طبی گام گیج کرے بلکن اوڑتون اوار اوار زرگزران نا بحالی، روزگار، ورناو انڈسٹری تیکن اسہ جوان ءُ حکمت عملی اسے نا رداٹ ڈٹ بندی ہم کرینے۔ حکومت پاکستان غٹ ریسورس آتے چینلائز کرینے و لاک ڈاؤن آن پد ہم اوفتا رسینگ ءِ پک کرے ٹیسٹنگ نا بشخ اٹی ٹیسٹنگ لائخی ءِ 472 آن ودفسا ہڑدے ئی 60 شست ہزار آن زیات کننگ تون اوار اوار ٹیسٹ اکن جوڑ اِرا لیبارٹری تا کچ ءِ ودفسا 132 کننگا۔ وینٹی لیٹر آتا گرج آتے پورو کننگ کن پاکستان داسہ ہمو منہ ملک آتے ٹی اوار ءِ ہرا تینا وینٹی لیٹر تیار کننگ ءُ، داوخت آ ملک اٹی کورونا کن 1525 وینٹی لیٹر جتا ءِ وخت اس کہ 1227آکسیجن کٹ آتا ودکی کننگانے ہرافتے ٹی آزاد جموں و کششمیر اٹی 80، بلوچستان نا 100، گلگت بلتستان نا 100، خیبر پختونخوا نا 320، پنجاب نا 330، سندھ انا 70 و اسلام آباد نا 227 آکسیجن کٹ اوار ءُ۔ رکھی گڑا و ٹیسٹنگ کٹ آتیکن مصنوعی ذہانت اٹ سینہ نا ایکسرہ، نسٹ یونیورسٹی ٹی ٹیسٹنگ کٹ، ڈیفنس سائنس و ٹیکنالوجی آرگنائزیشن، سٹریٹجک پلان ڈویژن نا رداٹ انفرادی رکھی گڑاتا تیاری نا بنامسنے۔ وزارت جان جوڑی داتم اسکان کوویڈ۔ 19 نا تالانی ءِ توننگ کن چندی بشخ آتیکن 31 ایس او پی جاری کرے۔ ڈاکٹرٹریننگ کن ’’وی کیئر‘‘ پروگرام نا رداٹ ڈاکٹر، نرس، پیرامیڈیکس ءِ دا احساس ترفنگا کہ فرنٹ لین سولجر نا وڑاٹ اوفتا رکھ اکن اوفتے ہروڑنا آسراتی تننگک۔ 60 ہزار فرنٹ لین ہیلتھ ورکرز ءِ ٹریننگ تننگا تانکہ او تینا کڑد ءِجوانی اٹ ادا کننگ کیر۔ احساس پروگرام نا مد اٹی حکومت لاک ڈاؤن اٹی خواری کش آتون اوار 1 کروڑ 25 لکھ آن زیات مخلوق ءِ بین و دوتنکی آن رکھ اکن احساس ہلہلہ ئی کیشش پروگرام نا بناءِ کرے ہرانا رداٹ داتم اسکان 151.9 ارب روپئی آن زیات نا زر بشخنگانے۔ بجلی نا بل آتیا1200 ارب روپئی ریلیف تننگا۔ ڈیجیٹل نیٹ ورکنگ کن اولیکو وار 1500 آن زیات ہسپتال اولیکو وار ریسورس مینجمنٹ سسٹم اٹ منسلک۔ پاکستان پاک نگہبان ایپ انا رداٹ ہسپتال نا بابت درست معلومداری دوئی کننگ۔ رورل سپورٹ پروگرام نا رداٹ کوروناتون جنگ تننگ اٹ 66 ضلع غاتیٹی راج ءِ متحرک کننگ تون ہسپتال آتا کمک، ڈیٹاکولیکشن و اہم ہند آتا ڈس انفیکشن و ایس او پی تا چاروکی ءِ ہم کننگا۔ مزور احساس پروگرام نا رداٹ 60 لکھ مخلوق ءِ 12 ہزار روپئی فی کس تننگا۔ چنکا صنعت کار چنکا کاروبار نار داٹ صارف آتا مسہ تُو انا بل آتا واپڈا ءِ پیشگی زرتننگا۔