بڑزکو سیاسی شخصیت آتا وزیر خارجہ مخدوم شاہ محمود قریشی تون ٹیل فون آ رابطہ، اونا طب انا اَرفیر، دراخ جوڑی کن نیک است خواہی تا درشان

اسلام آباد۔ 08 جولائی (اے پی پی) بڑزکو سیاسی شخصیت آک وزیر خارجہ مخدوم شاہ محمود قریشی تون ٹیل فون آ اونا طب انا اَرفینو، اوفک وزیر خارجہ تون اونا دراخ جوڑی کن نیک است خواہی تا درشانی ءِ کرینو۔ شاہ محمود قریشی ءِ ٹیل فون کروک آ شخصیت آتیٹی اسپیکر قومی اسمبلی اسد قیصر، چیئرمین سینیٹ صادق سنجرانی، ڈپٹی چیئرمین سینیٹ سلیم مانڈوی والا، بنجائی وزیر ڈٹ بندی اسد عمر، بیرسٹر فروغ نسیم، وزیر دفاع پرویز خٹک، بنجائی وزیر ہوابازی غلام سرور خان، بنجائی وزیر تعلیم شفقت محمود، بنجائی وزیر سائنس اینڈ ٹیکنالوجی فواد حسین چودھری، بنجائی وزیر توانائی عمرایوب خان، چیئرمین کشمیر کمیٹی شہریار آفریدی، سلاہکار موسمیاتی بدلی ملک امین اسلم، وزیراعظم نا سلاہکار ادارہ جاتی اصلاحات ڈاکٹر عشرت حسین، مسکوہی گورنر سندھ ڈاکٹر عشرت العباد، وزیر صنعت و پیداوار حماد اظہر، گورنر اسٹیٹ بینک رضاباقر، ایم این اے جے پرکاش، ایم این اے منزہ حسن، وزیراعظم نا سلاہکار احتساب ڈاکٹر شہزاد اکبر، سینیٹر ثناء جمالی، مسکوہی ڈپٹی چیئرمین سینیٹ جام جمالی، مسکوہی سیکرٹری خارجہ ایمبیسیڈر ریاض کھوکھر ومسکوہی خارجہ امور طارق فاطمی ئسک اوار ءُہرافک سے شنبے نا دے آ ٹیل فون نا کمک اٹ وزیر خارجہ مخدوم شاہ محمود قریشی تون رابطہ کریر و اونا طب انا اَرفیر۔ ترجمان وزارت خارجہ عائشہ فاروقی پارے کہ دا شخصیت آک وزیر خارجہ نا زوت دراخ جوڑی کن دعاو نیک است خواہی تا درشانی ءِ کریر و اودے پھل آتا ٹیکی ہم مون تسنو۔ وزیر خارجہ طب انا اَرفنگ، اونا زوت دراخ جوڑی کن دعاو نیک است خواہی تا درشانی کروک آ غٹ شخصیت آتا منت واری ءِ ہرفینے۔ یات سلے کہ وزیر خارجہ کوروناکوویڈ۔ 19 نا ٹیسٹ مثبت بسنے، او قرنطینہ ٹی ءِ۔