کیپٹن کرنل شیر خان (نشان حیدر) ءُ حوالدار لالک جان شہید (نشان حیدر) ءِ 21 می سالروچ پت ءُ پیروکی میتگ ءَ گوازینگ بوتگ
راولپنڈی۔ 7 جولائی (اے پی پی) دفاع پاکستان ءِ مستریں فریضہ ءِ سرجمی ءِ تہ جام شہادت نوش کنوکیں راج ءِ دلیریں بچک کیپٹن کرنل شیر خان (نشان حیدر) ءُ حوالدار لالک جان شہید (نشان حیدر) ءِ 21 می سالروچ آہانی پت ءُ پیروکی دمگاں صوابیءُ غدر(گلگت بلتستان) ءِ تہ سئے شمبے ءَ گوازینگ بوتگ۔ پاک فوج ءِ سروک جنرل قمر جاوید باجوہ ءِ نیمگا چہ ناردرن ایریا ءِ کمانڈرمیجر جنرل احسان محمود خان ءَ دلیریں بچک ءَ را خراج تحسین پیش کنگ ءِ ھاترا ہدیرگ ءِ سرا پھلانی چادر مان کتگ۔ پاک فوج ءِ لس سیادیانی تک (آئی ایس پی آر) ءِ گوشگ ءِ ردا دوئیں شہیداں را خراج عقیدت پیش کنگ ءُ آہانی ہدیرگ ءِ سرا پھلانی چادر مان کتگ ءِ ھاترا ھاسیں مراگش ءِ برجم داری ھم کنگ بوتگ انت۔ کمانڈنٹ پنجاب رجمنٹ سنٹر ءَ کیپٹن کرنل شیر خان شہیدءِ ہدیرگ ءِ سرا پھلانی چادر مان کتگ۔مزن تکی فوجی ءُ سول واکداراں شہیدانی ھاندان ءِ ھوار زند ءِ لہتیں تبک ءَ گوں سیادی داروکیں مردماں اے مراگش ءِ تہ بھرزوری کتگ۔
