اسلام آباد۔ 07 جولائی (اے پی پی) نیشنل کمانڈ اینڈ آپریشن سینٹر(این سی او سی) ءِ پاننگاکہ وزیراعظم عمران خان نا پارت آتے مون آتخسا مچ آ ملک انا ہسپتال آتیٹی 1227آکسیجن کٹ فراوان کننگانے۔ بنجائی وزیر ڈٹ بندی، شونداری، اصلاحات و خصوصی گام گیج اسد عمر نا کماشی ٹی نیشنل کمانڈ اینڈ آپریشن سینٹر(این سی او سی) نا بڑزکو کہولی دیوان سے شنبے نادے آ اڈ ہلک۔ دیوان اٹی چیف سیکرٹری تا کنڈآن سمارٹ لاک ڈاؤن نا بابت تازہ انگا حالیت، جند انا رکھ انا ازباب(پی پی ایز) و ماسک انا فراوانی، کورونا دین انا تالانی نا حالیت و ہسپتال آتیٹی ’’ریمپ اپ پلان‘‘ نا جاچ ءِ ہلنگا۔ این سی او سی ءِ تروک آ حوال اٹی پاننگاکہ کوروناوائرس نا ناجوڑ آتا گچین درمان کن وزیراعظم عمران خان نا پارت آتیا داتم اسکان مچ آ ملک انا چندی ہسپتال آتیٹی پین 1227 کٹ اوار کننگانے۔ آزاد جموں و کشمیر اٹی 80 آکسیجن کٹ فراوان کننگانے ہرافتے ٹی عباس انسٹیٹیوٹ آف میڈیکل سائنس(اے آئی ایم ایس) نا 20 کٹ، ڈی ایچ کیو کوٹلی نا 20 کٹ، ڈی ایچ کیو بھمبر نا 20 کٹ و سی ایم ایچ مظفرآباد نا 20 کٹ اوار ءُ۔ بلوچستان اٹی فاطمہ جناح ہسپتال اٹی 100 آکسیجن کٹ تننگانے وخت اس کہ گلگت بلتستان اٹی، ہیلتھ کیئر سسٹم اٹ پین 100 آکسیجن کٹ اوار کننگانے۔ خیبر پختونخوا ءِ 320 آکسیجن کٹ فراوان کننگانے ہرافتے ٹی پشاور انسٹیٹیوٹ آف کارڈیالوجی (پی آئی سی) نا 250 کٹ و چارسدہ ہسپتال نا 70 کٹ اوار ءُ۔ پنجاب ءِ 330 آکسیجن کٹ فراوان کننگانے ہرافتے ٹی ایکسپو سینٹر لاہور نا 280 آکسیجن کٹ و سوشل سیکورٹی ہسپتال لاہور 70 کٹ اوار ءُ۔ سندھ ءِ پین 70 آکسیجن کٹ تننگانے ہرافتے ٹی عباسی شہید ہسپتال ءِ پین 70 آکسیجن کٹ اوار ءُ ہنداوڑ اسلام آباد ءِ 227 آکسیجن کٹ فراوان کننگانے ہراٹی پولی کلینک ہسپتال نا 13 کٹ، پمز انا 152کٹ و سی ڈی اے ہسپتال نا 59 کٹ اوار ءُ۔
