اسلام آباد۔ 07 جولائی (اے پی پی) وزیراعظم نا سلاہکار واپار و ٹیکسٹائل عبدالرزاق داؤد پارینے کہ کورونا وائرس نا سوب آن بھاز مشکل حالیت آتون مون تروک مسنے، مشکل حالیت آتیان پد ہم مالی سال 2019-20ء ٹی غٹ برآمد کنندگان آتے گچین کارکڑد آ مبارکبادی تننگ خواوہ۔ سے شنبے نادے آ داڑے اسہ ٹویٹ اسے ٹی اوپارے کہ ننا برآمدات سال 2018-19ء نا مقابلہ ٹی بیرہ 6 درسد کم مسنے وخت اس کہ ہندا سال بنگلہ دیش اٹی 17 درسد وخت اس کہ انڈیا ٹی 14 درسد اسکان کمتی مسنے۔ اوپارے کہ لاک ڈاؤن ءِ وخت آ چٹفنگ زرگزراننی لحاظ اٹ اہم ءُ فیصلہ اس ئس این سی او سی نا ہڑدے دیوان تیٹی بنجائی و صوبائی رابطہ غاتا سوب آن گچین کارکڑد مس۔ اوپارے کہ ننا برآمد کنندگان آک تینا کوشست، خواری و صارف آتسکان رسینگ کن سفت نا حقدار ءُ۔
