ہری پور۔ 07 جولائی (اے پی پی) بنجائی وزیر عمرایوب خان نا خصوصی پرمان تیا پاؤں پکی ڈولی کن 7 پول آتون ٹاسفارم آتا منظوری ءِ تننگا، علاقہ والا تیٹی خوشی اس تالان مس۔ سرجم حوال آتارداٹ بنجائی وزیر توانائی، پٹرولیم و قدرتی وسیلہ عمرایوب خان نا خصوصی پرمان تیا اونا سیکرٹری نعیم خان خلق پکی ڈولی نیو بستی نا دورہ ءِ کرسا بجلی ڈیمانڈ نا بابت سروے ءِ پورو کرے۔ بنارس خان، سلیم خان، راہشون پی ٹی آئی محمد بشیر و چن زیب تون اوار ایلو ہندی بندغ آک ہم داوخت آ ساڑی ئسر۔ ہرافک نعیم خان ءِ بجلی نا ڈیمانڈ نا بابت سرجم معلومدار کرے۔ بنجائی وزیر عمر ایوب خان ہندی ڈیمانڈ انا رداٹ اسہ ٹاسفارم اس و 7 ایل ٹی پولز تننگ نا پرمان جری کرے ہراڑآ ہندی بندغ آتیٹی خوشی اس تالان مس و اوفک السی قائد نا منت واری ءِ ہرفیر۔
