اسلام آباد۔ 07 جولائی (اے پی پی) وزیراعظم آزاد کشمیر راجہ فاروق حیدر خان تون چیئرمین کشمیر کمیٹی شہریار آفریدی اوڑدہی کرینے، اوڑدہی ٹی ہڑتوم آ راہشونک مقبوضہ کشمیر نا حالیت آتیا گڑتی نا درشانی ءِ کرسا کورونا نا دین آن پد ہم ہندوستان نا کنڈآن مقبوضہ کشمیر اٹی کودک مخلوق نا کشت وخون و لین آف کنٹرول آ شاری آبادی ءِ شست کننگ نا ترندی اٹ مذمت ءِ کریر۔ وزیراعظم آزاد کشمیر میڈیا آفس آن جاری بیان نا رداٹ داوخت آ وزیراعظم آزاد کشمیر پارے کہ ہندوستان غٹ تر واکداری تے کاریم اٹ اتنگ آن پد ہم کشمیری تا عزم آن شکست کنگونے، بشیر احمد نا خون آن پد اونا نواسہ نا عکس دنیا ءِ سرفے، جولائی نا تُو اٹی کشمیریک قربانی تا بے مٹ ءُ داستان نوشتہ کریر دا جہد نا تُو ءِ۔ شہریار آفریدی پارے کہ حکومت پاکستان و الس مقبوضہ کشمیر نا ایلم تتون سلوک ءُ، ہندوستانی فوج انا ظلم و بربریت آ حکومت پاکستان مچ آ دنیا ٹی توار بڑز کرے، کشمیری تا حق خودارادیت نا مقدمہءِ ہر فورم آ پورو واک اتون کرسا کینہ۔
