اسلام آباد۔ 07 جولائی (اے پی پی) روس انا وزیر خارجہ سرگئی لاوروف تینا پاکستانی ہم منصب مخدوم شاہ محمود قریشی نا زوت دراخ جوڑی کن نیک است خواہی نا درشانی ءِ کرینے۔ پاکستان اٹی جوڑ روسی سفارت خانہ نا کنڈآن جاری روسی وزیر خارجہ سرگئی لاروف تینا پاکستانی ہم منصب شاہ محمود قریشی نا پن تینا کلہو اٹی پارینے کہ نا کوروناوائرس نا ٹیسٹ مثبت بننگ نا خبر ءِ بنگٹ بھاز گڑتی مس، ای نا تندرستی و زوت دراخ جوڑی کن دعا کیوہ۔ روسی وزیر خارجہ اومیت ظاہر کرینے کہ ننا اوڑدہی تا چرجوئی ولدازوت بناکیک۔ وزیر خارجہ مخدوم شاہ محمود قریشی خصوصی کلہو مون تننگ و دراخ جوڑی کن نیک است خواہی تا درشانی ءِ کننگ آ روس انا وزیر خارجہ سرگئی لاوروف نا منت واری ءِ ہرفے۔
