اسلام آباد ۔ 6 جولائی (اے پی پی) مزن وزیر عمران خان ءَ کورونا وائرس ءِ میاں اوستمانی ھوپ ءَ گوں گر ءُ چیل بوھگ ءِ وساتہ پاکستان ءَ ھوار میاں اوسمتانی برات آناں کمک پجاری کنگ ءِ پد ءَ میاں اوستمانی جان سلامتی رکھینگی ادارگ ڈبلیو ایچ او ءِ توسیپ کتگ، مزن وزیر ءَ پاکستان ءُ ایندگر دیمروئی کنوکیں ملک آنی واستہ کوویڈ 19 ءَ چہ استیں سفری بندش آنی ھلاسی ءُ ڈیٹا آنی ردیں سفری رھبند آنی دل یکیمی ءَ میاں اوستمانی جان سلامتی ادارگ ڈبلیو ایچ او وتیس کرد ءَ پیلو کنگ ءِ لوٹ کتگ۔ آئی ءَ اے گپ دو شمبے ءَ میاں اوستمانی جان سلامتی ادارگ ءِ ڈائریکٹر جنرل تیدروز ادھانوم ءَ گوں ویڈیو کانفرنس ءِ ساھت ءَ کت۔ میاں اوستمانی ادارگ ءِ ڈائریکٹر جنرل ءَ کورونا وائرس ءِ ھوپ ءَ گوں گر ءُ چیلل بوھگ ءُ وائرس ءِ شنگ ءُ تالانی ءِ رد ءَ پاکستانی گامگیج ءُ دیمروئی آنی بابت ءَ توسیپ کت۔ مزن وزیر ءَ میاں اوستمانی ھوپ ءَ گوں گر ءُ چیل بوھگ ءِ واستہ میاں اوستمانی برات آناں کمک پجاری کنگ ءِ پد ءَ ڈبلیو ایچ او ءِ توسیپ کت۔
