کورونا ءَ چہ آماچیں مردم آنی ریلیف ءِ پجاری ءَ جوانیں کرد ءَ پیلو بکن ات، استیں حکومت ءِ گہتری کار آناں ترندی ءَ گوں سرجم ءُ برجمی ءَ ھوار مافیا آنی ھلاپ ءَ کاروائی ءَ را گڈی سیم سر آں تاں پجارینگ بہ بیت، مزن وزیر عمران خان

اسلام آباد ۔ 6 جولائی (اے پی پی) مزن وزیر عمران خان ءَ اسمبلی ءِ باسک آناں پند ءُ شون کت کہ کورونا ءَ چہ آماچیں مردم آناں ریلیف ءِ پجاری ءَ جوانیں کرد پیلو بکن ات، استیں حکومت گہتری کار آنی ترندی ءَ گوں پد ءُ رند کنگ ءَ ھوار کرپشن کنوک آنی ھلاپ ءَ کاروائی ءَ کنگ ءَ انتت۔ اے ھیالانی درشانی آئی ءَ پنجاپ ءِ صوبائی اسمبلی ءَ گوں تران کنان ئَ کت آئی ءَ دو شمبے ءِ روچ ءَ ادا آئی ءَ گوں گند ءُ نند کت۔ مزن وزیر ءَ گوں گند ءُ نند کنوک آنی تہ ءَ ڈل ءِ مشیر سر وزیر محمد حنیف خان پتافی، عبدالحئی، فیصل حیات جبونا ءُ ھاسیں کمکار برائے سر وزیر سید رفاقت علی گیلانی ، خرمم سہییل خان ءُ جاوید اخترر انصاری ھوار اتنت۔ ڈل ءَ مز وزیر ءَ را وتی وتی دمگ آنی تہ ءَ کورونا ءِ جاور ھال ءُ آماچیں ءُ بزگریں مردم آنی ریلیف پجاری ءِ ھوالگ ءَ جاور آنی بابت ءَ سرپد کت۔ ڈلءَ بزگر آنی واستہ حکومت ءِ نیمگ ءَ احساس ایمرجنسیی کیشن پروگرام ءُ بے روزگارریں مردم آنی واستہ پرائم منسٹر ریلیف فنڈ ءَ چہ مشکل آنی آماچیں مردم آناں جوانیں کمک رستگ ایشی ءِ پد ءَ آ حکومت ءِ سک باز گوں دلے جھلانک آں شگر ءُ منت واری انت۔ شریکیں مردم آں مزن وزیر ءَ را وتی وتی دمگ آںی جتا جتائیں ضلورت آنی بابت ءَ سرپد ءُ سھیگ کت۔ مزن وزیر ءَ شریکیں مردم آناں پنت ءُ شون کت کہ کورونا ءَ چہ آماچیں مردم آناں ریلیف ءِ پجاری ءَ جوانیں کرد پیلو کنگ بہ بیت۔ آئی ئَ گوشت کہ استیں حککومت ءِ گہتری کار آناں ترندی ءَ گوں سرجم ءُ برجم کنگ ءُ مافیا بزاں کرپشن کنوک آناں گڈی آسر ءَ سر کنگ بہ بیت۔