اسلام آباد ۔ 6 جولائی (اے پی پی) مزن وزیر عمران خان ءَ نینشل ریڈیو ءُ ٹیلی کمیونیکیشن کارپوریشن (این ٹی آر سی) ہری پور ءِ تر ءُ تاب کت ءُ پاکستان ءَ اولی رند ءَ وینٹی لیٹر ءِ جوڑیشتی آسراتی ءِ بنگیج کت۔ مزن وزیر میڈیا کارگس ءِ نیمگ ءَ جاڑی بوتگیں بیان ءِ، رد ءَ بنجاھی وزیر سائنس ءُ ٹیکنالوج فواد چوہدری، وزیر ءِ ھاٹیگ عمر ایوب خان ، مزن وزیر ءِ کوویڈ 19 ء ھوالگ ءَ فوکل پرسن ڈاکٹر فیصل سلطان ، چیئرمین این ڈی ایم اے لیفٹیننٹ جنرل محمد افضل ءُ کلانہ ایں کارندہ ھمم اے موہ ءِ سر ءَ ساڑی اتنت۔ این آر ٹی سی ءِ منیجنگ ڈائریکٹر بریگیڈئر توفیق احمد ءَ مزن وزیر ءَ را این ٹی آر ٹی سی کمیونیکیشن سامان ، ای پولیسنگ ، الیکٹتو میڈیکل سامان ءُ ہارڈ ءُ سافٹ وئیر ءَ ھوارر ایندگر ازمت پجاری کنگ ءَ انت۔ مزن وزیر ءَ اولی رند ءَ ملک ءِ توک ءَ وینٹی لیٹر جوڑ کنگ ءِ وزارت ءِ سائنس ءُ ٹیکنالوجی ءُ این آر ٹی سی ءِ گامگیج آناں ساڑات ءُ گوشت کہ اے پاکستان ءِ واستہ یک ٹوھیں دیمروئی ات ءُ ایشی ءِ پد ءَ سرجمیں ٹیمب مبارک بات ءِ لائک انت۔ آئی ءَ گوشت کہ مئے ملک ءَ جوانیں ازمکار است انت ، ایش ملک ءَ را نوکیں ٹیکنالوجی ءِ ھوالگ ءَ نوکیں چیز جوڑ کت کناں ءُ مئے حکومت اے رد ءَ ورنا آنی ازمکاری ءَ را کارمرد کنگ ءِ واستہ ھمک رنگیں کمک کنت انت۔ مزن وزیر ءَ گوشت کہ کورونا ھوپ ءِ رسپانس ءُ ممعیشت ءِ رد ءَ سمارٹ لاک ڈائون ءِ مئے گامگیج سرجمیں دگنیا ءَ ساڑھگ بوتگ۔ مئے دلگوشی نوں ٹوھویں ہیلتھ پڑے گہتری کار آنی سر ءَ انت۔ ایشی ءَ ابید مزن وزیر ءَ وینٹیلیٹر جوڑ کنگ ءِ آسراتی یے بنگیج کت ءُ این ٹی آر سی ءِ جتا جتائیں سیکشنز آنی تر ءُ تاب ھم کت۔
