اسلام آباد ۔ 6 جولائی (اے پی پی)بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ ازمکار آناں آوانی رائلٹی رسگ آوانی ھک انت، کاپی رائٹس ءِ رکھینگ ءَ را دل یکیمی جوڑ کنگ ءِ واستہ پکوئیں گامگیج چست کناں، فلم ٹاسک فورس ءِ برجائی زوتاں زوت کنگ بیت ایشی ءِ تہ ءَ حکومت کارندہ آنی گوما فلم انڈسٹری ءَ گوں بندوکیں نام آناں ھوار کنگ بیت۔ ۔ اے ھیالانی درشانی آئی ءَ دو شمبے ءِ روچ ءَ فلمی صنعت ءَ گوں بندوکیں ازمکار ءُ ایندگر سٹیک ہولڈرز آنی گوما ویڈیو لنک ءِ وسیلگ ءَ دیوان ءَ گشتانک دیان ءَ کت۔ دیوان ءِِ تہ ءَ سیکرٹرری اھوالکاری اکبر درانی ، ڈائریکٹر جنرل الیکٹرانک میڈیا اینڈ پبلییکیشنز عمرانہ وزیر ، چئیرمین سنٹرل فلم سنسر بورڈ دانیال گیلانی ءُ ایندگر کلانہ ایں اپسرگ آں بھر زوری کت ۔ دیوان ءَ تہ ءَ فلمی تکے استیں جیڈھ ءُ ایشانی گیواری ءِ بابت ءَ باست ءُ واست کنگ بوت۔
