اسلام آباد ۔ 6 جولائی (اے پی پی) پاکستان ءِ تہ گوستگیں مالی سال ءِ تہ چین ءِ ڈائریکٹ انویسٹمنٹ ءِ تہ ودکی ریکارڈ کنگ بوتگ انت۔سٹیٹ بینک ءِ ھساب ءُ کتاب ءِ ردا گوستگیں سال جولائی ءَ چہ گپت مئی 2020ءتاں ءِ وھد ءِ تہ چین ءِ نیمگا چہ پاکستان ءِ تہ ڈائریکٹ انویسٹمنٹ ءِ کساس 855.3 ملین ڈالر ریکارڈکنگ بوتگ ہمہ کہ گوستگیں مالی سال ءِ اے وھد ءِ مقابلہ ءِ تہ 741 درسد گیش انت، مالی سال 2018-19ءِ اے وھد ءِ تہ چین ءَ پاکستان ءِ تہ 101.7 ملین ڈالر ءِ ڈائریکٹ انویسٹمنٹ کتگ ات۔ھساب ءُ کتاب ءِ ردا اے وھد ءِ تہ چین ءَ وت واکیں دمگ ہانگ کانگ ءِ نیمگا چہ پاکستان ءِ تہ 193.5 ملین ڈالر ءِ ڈائریکٹ درملکی انویسٹمنٹ بوتگ ہمہ کہ پیوستہ مالی سال ءِ اے وھد ءِ مقابلہ ءِ تہ 14.56 درسد گیش انت، مالی سال 2018-19ءِ اے وھد ءِ تہ ہانگ کانگ ءَ پاکستان ءِ تہ 168.9 ملین ڈالر ءِ ڈائریکٹ فارن انویسٹمنٹ کتگ ات۔اے وھد ءِ تہ ہانگ کانگ ءِ پاکستان ءِ تہ پورٹ فولیو سرمایہ کاری ءِ کساس 25.1 ملین ڈالر ریکارڈکنگ بوتگ انت۔
