نیشنل ڈیزاسٹر مینجمنٹ اتھارٹی صوبہ غاتے ڈاکٹر آتیکن رکھی گڑاتا دہ می کھیپ انا فراوانی ءِ پورو کرے، ترجمان

ڈاکٹر آتیکن پی پی ایزنا یانزدہ می کھیپ انا فراوانی ءِ ہندا ہفتہ ٹی بناکننگک
اسلام آباد۔ 06 جولائی (اے پی پی) نیشنل ڈیزاسٹرمینجمنٹ اتھارٹی (این ڈی ایم اے) صوبہ غاتے ڈاکٹر آتیکن رکھی گڑاتا دہ می کھیپ انا فراوانی ءِ پورو کرے وخت اس کہ ڈاکٹر آتیکن پی پی ایز نا یانزدہ می کھیپ انا فراوانی ءِ ہنداہفتہ ٹی بناکننگک۔ این ڈی ایم اے نا ترجمان نا رداٹ پنجاب و سندھ ءِ رکھی گڑاتا دہ می کھیپ ءِ گدریفنگانے۔ کے پی کے، بلوچستان، جی بی و آزاد کشمیر ءِ دہ می کھیپ مہالوآن جاری کننگانے۔ داتم اسکان مچ آ ملک انا ہسپتال آتیٹی 1 کروڑ 6 لکھ 70 ہزار 729 فیس ماسک تننگانے۔ 15 لکھ 46 ہزار 960، این۔ 95 ، کے این۔ 95 و ڈی۔ 95 سرجیکل ماسک تننگا۔ 13 لکھ 30 ہزار 836 پروٹیکٹو سوٹ و 10 لکھ 11 ہزار 754 سرجیکل گاؤن ہم بشخنگانے۔ 6 لکھ 33 ہزار 235 رکھی عینک و 2 لکھ 52 ہزار 166 فیس شیلڈ ہم مچ آ ملک اٹی بشخنگانے۔ 18 لکھ 48 ہزار 509 جوڑہ دستانہ و 6 لکھ 59 ہزار 956 سرجیکل کیپ ہم بشخنگانے۔ 5 لکھ 8 ہزار 966 شوزکور و 27 ہزار 382 پلاسٹک بوٹ ہم تننگا۔ ترجمان پارے کہ ڈاکٹر آتیکن پی پی ایز نا یانزدہ می کھیپ انا فراوانی ءِ ہندا ہفتہ ٹی بناکننگک۔