اسلام آباد۔ 06 جولائی (اے پی پی) پاکستان و پاکستان آن پیشن، مچ آ دنیا غان چندی اہم شخصیت آک فون نا کمک اٹ/میسج و راجی رابطہ نا ویب سائٹ آتیا کلہو آتا کمک اٹ وزیر خارجہ شاہ محمود قریشی نا زوت دراخ جوڑی کن دعا و نیک است خواہی تا درشانی ءِ کرینو۔ اسپیکر قومی اسمبلی اسد قیصر، بنجائی وزیر ڈٹ بندی اسد عمر، بنجائی وزیر بین الصوبائی رابطہ ڈاکٹر فہمیدہ مرزا، بنجائی وزیر نجکاری میاں محمد سومرو، بنجائی وزیر سمندر پار پاکستانی سید ذوالفقار علی بخاری، چیئرمین فارن ریلیشنز کمیٹی، سینیٹر مشاہد حسین سید، سینیٹر راؤ اقبال مسکوہی آئی جی پنجاب، مسکوہی چیئرمین سسینیٹ وسیم سجاد و ایم ڈی بیت المال عون عباس بپی وخت اس کہ سویٹزر لینڈ انا وزیر خارجہ ایگنازیوکاسس و نیدر لینڈ انا وزیر خارجہ مسٹر سٹیف بلاک ئسک ہم وزیر خارجہ مخدوم شاہ محمود قریشی نا زوت دراخ جوڑی کن نیک است خواہی تا درشانی ءِ کرینو۔ وزیر خارجہ پاکستان و مچ آ دنیا غان فون نا کمک اٹ/میسج دعائیہ کلہوآتے گدریفنگ و اونا دراخ جوڑی کن نیک است خواہی تا درشانی ءِ کروک آ غٹ شخصیت آتا منت واری ءِ ہرفینے۔
