اسلام آباد۔ 06 جولائی (اے پی پی) نیشنل کمانڈ اینڈ آپریشن سینیٹر (این سی او سی) کوروناوائرس نا بابت تازہ انگا حساب وکتاب ءِ جاری کرینے، تدوک آ 24 گھنٹہ ٹی پین 50 بندغ کزیت کریر، 3344 پوسکن ءُ کیس رپورٹ مس۔ این سی او سی نا رداٹ تدوک آ 24 گھنٹہ ٹی 3344پوسکن ءُ کورونا کیس رجسٹرڈ مسر۔ مچ آ ملک اٹی داتم اسکان اسہ لکھ 31 ہزار 649 کورونا وائرس ءِ شکست ترسا پورو دراخ جوڑ مسنو۔ داوخت آ مچ آ ملک اٹی کورونا ناجوڑ آتیکن 1525 وینٹی لیٹر جتا کننگانے ہرافتیان 459وینٹی لیٹر کاریم اٹ اتنگ انگ ءُ۔ داتم اسکان مچ آ ملک اٹی 2 لکھ 31 ہزار 808 پک کیس ءُ ہرافتے ٹی آزاد کشمیر نا 1342، بلوچستان نا 10 ہزار 814، گلگت بلتستان نا 1561، اسلام آباد نا 13 ہزار 494، کے پی کے ، نا28 ہزار 116، پنجاب نا 81ہزار 963و سندھ انا 94 ہزار 528 کیس اوار ءُ۔ تدوک آ 24 گھنٹہ ٹی پین 50 بندغ نا مرک آن پد جم مرک آتا کچ 4 ہزار 762 مسنے۔ سندھ اٹی 1526، پنجاب اٹی 1884، کے پی کے ٹی 1028، اسلام آباد اٹی 137، بلوچستان اٹی 123 و آزاد کشمیر اٹی 36 مرک اوار ءُ۔ داتم اسکان 14 لکھ 20 ہزار 623 ٹیسٹ مسنے۔ ملک اٹی 729 ہسپتال آتے ٹی 5143 ناجوڑ درمان مننگ ءُ۔
