وزارت قومی غذائی رکھ و پٹ وپول، محکمہ کشت وکشار و پاکستان آرمی نا اسیجا ٹیمک مچ آ ملک اٹی ملخ آتا برخلاف پبی سروے و کنٹرول آپریشن کننگ ءُ، نیشنل لوکسٹ کنٹرول سینٹر

اسلام آباد۔ 06 جولائی (اے پی پی) نیشنل لوکسٹ کنٹرول سینٹر(این ایل سی سی) نا رداٹ وزارت قومی غذائی رکھ وپٹ وپول ، محکمہ کشت وکشار و پاکستان آرمی نا سیجا ٹیمک ملک انا چندی ضلع غاتے ٹی ملخ آتا برخلاف پبی سروے و کنٹرول آپریشن کننگ ءُ۔ 31 ضلع غاتا زہمی علاقہ غاتے ٹی 966 اسیجا ٹیم دا مہم اٹی بشخ ہلنگ ءُ۔ داتم اسکان 394701.67اسکوائر کلومیٹر(کم و ود 9.75 کروڑ ایکڑ) رقبہ غا سروے و 10491.17اسکوائر کلومیٹر(کم و ود25.92 لکھ ایکڑ) آ کنٹرول آپریشن کننگانے۔ سروے و کنٹرول آپریشن اٹی 5064آن زیات بندغ و 645 گاڈی بشخ ہلکر۔ این ایل سی سی نا کنڈآن آپریشن اٹی 5064آن زیات بندغ و 645گاڈی بشخ ہلکر۔ این ایل سی سی نا کنڈآن دوشنبے نادے آ جاری کروک سرجم حوال آتا رداٹ صوبہ پنجاب اٹی تدوک آ 24 گھنٹہ ٹی 238054 ایکڑ آ سروے کننگا۔ سروے ٹی 2282 بندغ (بشمول پاک فوج) و 323گاڈی بشخ ہلکر۔ داتم اسکان مچ آ صوبہ ٹی 2.90 کروڑ ایکڑ آ سروے و 1131347ایکڑ آ آپریشن کننگانے۔ صوبہ سندھ اٹی تدوک آ 24 گھںٹہ ٹی 96880 ایکڑ آ سروے و 6 ضلع(دادو، شہید بینظیر آباد، نوشیروفیروز، تھرپارکر و خیرپور) اٹی ملخ آتا ساڑی مننگ آ 6326ایکڑ اٹ آپریشن کننگا۔ سروے و کنٹرول آپریشن اٹی 627 بندغ (بشمول پاک فوج) و 97 گاڈی بشخ ہلکر۔ مچ آ صوبہ ٹی داتم اسکان 2.03 کروڑ ایکڑ آ سروے و 159919 ایکڑ آ آپریشن کننگانے۔ صوبہ خیبر پختونخوا ٹی تدوک آ 24 گھنٹہ ٹی 175964 ایکڑ آ سروے کننگا۔ سروے ٹی 847 بندغ(بشمول پاک فوج) و 106 گاڈی بشخ ہلکر۔ مچ آ صوبہ ٹی داتم اسکان 1.50 کروڑ ایکڑ آ سروے و 154527 ایکڑ آ آپریشن کننگانے۔ صوبہ بلوچستان اٹی تدوک آ 24 گھنٹہ ٹی 251963 ایکڑ آ سروے و 25 ضلع(خضدار، آواران، نوشکی، چاغی، اوتھل، کیچ، پنجگور، خاران، واشک، کوئٹہ، ڈیرہ بگٹی، ہرنائی، جھل مگسی، قلات، قلعہ عبداللہ، قلعہ سیف اللہ، کوہلو، لورالائی، مستونگ، موسیٰ خیل، نصیر آباد، پشین، سبی، سوراب وزیارت) اٹی ملخ آتا ساڑی مننگ آ 1893 ایکڑ آ آپریشن کننگا۔ داآپریشن اٹی 1308 بندغ(بشمول پاک فوج و 119 گاڈی بشخ ہلکر۔ داتم اسکان مچ آ صوبہ ٹی 3.32 کروڑ ایکڑ آ سروے و 1146606 ایکڑ آ آپریشن کننگانے۔