اسلام آباد ۔ 05جون (اے پی پی) مزن وزیر ءِ ھاسیں کمکار براءے ھالرسانی ءُ شنگکاری لیفٹیننٹ جنرل( ر) عاصم سلیم باجوہ ءَ گوشت کہ حکومت ایم موٹروے سرا جوڈ ءِ کار اول صف ءِ دلگوشی ءَ گوں کن ایت۔یک شمبے ءَ چاگردی ویب سائٹ سرا ٹویٹ کنان ءَ سی پیک اتھارٹی ءِ چیئرمین ءَ گوشت کہ سنٹرل ڈویلپمنٹ ورکنگ پارٹی پیسر ءَ ھم ایم8 موٹر وے ءِ 26 ارب ءِ ھرچ ءِ 146 کلومیٹر ہوشاب آواران بھر ءِ منظوری داتگ انت۔ ایم 8 موٹروے سکھر لاڑکانہ ءَ را گوادر گوں پج کن ایت ہمہ کہ اے وھد ءَ جوڈ بوھگ انت۔وھدکہ گوادر ءُ ہوشاب 193 کلومیٹر بھر ءِ جوڈ ءِ بنداتی فروری 2016 ءِ تہ کنگ بوتگ ات۔ اے منصوبگ صوبہ سندھ ءِ تہ رتو ڈیرو چہ بندات بوھگ انت ءُ خضدار ، آواران، ہوشاب ءُ تربت چہ گوزان ءَ صوبہ بلوچستان ءِ تہ پترگ انت ءُ تیابی شہر گوادر ءِ بلکل مشرق ءِ تہ مکران کوسٹل ہائی وے ءَ پج بوھگ انت۔ ایم 8 موٹروے ءِ منصوبگ بلوچستان ءِ تہ دریاء ءِ دشت ءُ میرانی ڈیم ءِ نزیک چہ گوزایت ۔ اے منصوبگ 4 لین ءَ ھوار انت ءُ 892 کلومیٹر سرا محیط انت۔ بندات ءَ دو لین جوڈ کنگ بیت وھدیکہ اولی بھر ءِ سرجمی ءِ پدا گیش دولین جوڈ کنگ بنت۔عاصم سلیم باجوہ ءَ گوشت کہ اے منصوبگ ءِ کیچ ءُ آواران ءِ پد کپتگءِ ضڷہانی ھاترا مینارہ نور پدر بیت ءُ دمگ ءِ مہلوک ءِ قسمت بدل کن ایت۔
