اسلام آباد ۔ 5 جولائی (اے پی پی) ورلڈ بینک گروپ ءِ باسک انٹرنیشنل فنانس کارپوریشن (آئی ایف سی) پاکستان مورٹگیج ری فنانس کمپنی لمیٹڈ (پی ایم آر سی) ءِ تہ 3.2 ملین ڈالر (500 ملین کلدار) ءِ سرمایہ کاری کن ایت۔زر کاری چہ ملک ءِ تہ ارزاں گسانی جوڈ ءِ ھاترا وامانی پھجارگ ءِ کساس ءِ تہ ودکی بیت۔ آئی ایف سی حکام ءَ گوشت کہ پاکستان ءِ شہری دمگانی تہ نشتگیں ھانداناں را نندگ ءِ ردیں آسراتی ءِ دیمپانی انت ءُ 2030ءتا 2040ءِ تہ شہری آباتی دوبر بہ بیت۔ ایشی ءِ تناظر ءِ تہ پاکستان ءِ تہ کم نہادانی گسانی لوٹ باز گیش انت۔آہاں گوشت کہ پاکستان ءَ را 10 ملین گسانی لوٹ ءِ تہ سک ودکی ءِ ابید پاکستان ءِ تہ مورگیج ءِ شرح 0.3 درسد انت وھدیکہ جنوبی ایشیا ءِ تہ اے کساس3.4 درسد انت۔ آہاں گوشت کہ آئی ایف سی ءِ کمک ءَ گوں پی ایم آر سی ءَ چہ وامزوروکاں را گیش وامانی پھجارگ بیت۔آہاں گوشت کہ سرمایہ کاری چہ پرائمری مورٹگیج لینڈر (پی ایم ایل ایس) ءَ را نوکیں وامانی پھجارگ ءِ تہ کمک رسیت ءُ خیبر پختونخوا، بلوچستان ءُ پیسریگیں فاٹا ءِ دمگانی تہ وامانی پھجارگ ءِ سر اھاسیں دلگوشی وسیلگ ءَ باندات ءِ تہ اے آسراتی ھوالہ چہ نپ رسیت۔ پی ایم آر سی ءِ مینجنگ ڈائریکٹر ءُ سی ای او مدثر ایچ خان ءَ اے ھوالہ چہ گوشت کہ آئی ایف سی ءِ زرکاری پہ وھد ءِ سرا انت ءُ اے رنگ ءِ وھد ءَ کہ وھدیکہ کورونا وائرس ءِ وبا ءِ سبب ءَ معاشی نزوری انت۔آہاں گوشت کہ آئی ایف سی ءِ شیئر ہولڈر ءِ بستار ءَ چہ سرمایہ کارانی اعتماد ءِ تہ ودکی بیت ایشی ءَ چہ پاکستان ءِ تہ مورگیج ءِ ھوالہ چہ پی ایم آر سی ءِ بود ءِ تہ گہتری آرگ ءِ تہ کمک آرگ ءِ تہ کمک رسیت
