اسلام آباد ۔ 5 جولائی (اے پی پی) بلوچستان حکومت ءِ انوائرومینٹ پروٹیکشن ایجنسی ءِ ایر انوائرومینٹ پروٹیکشن ءِ کانود ءِ سرجمیءَ را سدکی جوڈ کنگ ءِ ھاترا یک ’گرین فورس‘ ہڈ دیگ ءِ پیسلہ کتگ انت۔ محکمہ ماحولیات ءُ موسمی بدلی پلوشن ءِ سرا گرودار،آئی ءِ رکھگ ءِ تہ کمک ھاترا گامگیج ءَ زورگ انت۔ بلوچستان حکومت ءِ یک اگدھ دار ءَ اے پی پی ءَ را سرپد کتگ کہ صوبگ ءِ تہ انوائرومینٹ ءُ فاریسٹ ءِ رکھگ گرین فورس انوائرومینٹ ءِکانود ءِ ھلاپ ورزی کنوکانی ھلاپ ءَ ھم کارروائی کنگ بیت۔آہاں سرپد کتگ کہ آوکیں مالی سال 2020-21ء ءِ تہ ، حکومت انوائرمینٹل لیبارٹری ہڈ دات۔ گوادر ءِ تہ تیابی چاگرد ءُ سمندری زند ءِ رکھگ ءَ را سدکی جوڈ کنگ ءِ ھاترا اتھارٹی ءِ کارگس ھم ہڈ دیگ بنت۔آہاں گوشت کہ حکومت بلوچستان ءَ صوبگ ءِ تہ حکومت بلوچستان ءَ صوبگ ءِ تہ گوات ءِ معیار ءِ نگہوانی ھاترا سیمسری دمگانی تہ 10 نوکیں ایئر کوالٹی مانیٹرنگ اسٹیشنز (اے کیو ایم) نصب کنگ ءِ منصوبگ جوڈ کتگ انت۔ اگدھ داراں سرپد کتگ کہ صوبائی حکومت ءَ اے مکسد ءِ ھاترا آوکیں مالی سال ءِ ھاترا 100 ملین کلدار ایر کتگ انت۔ تفتان ، چمن ، گوادر ، خضدار ، حب ، لورالائی ءُ دگہ دمگانی ھوار لہتیں سائٹس ءِ سرا اے کیو ایم ایس نصب کنگ بنت۔آہاں گوشت کہ بلوچستان ءِ انوائرومینٹ پروٹیکشن ایجنسی (ای پی اے) ءَ انوائرومیںٹ ءِ رکھگ ءِ ھاترا کوئٹہ ءِ تہ ممنوعہ کرشنگ پلانٹس ءِ سرا بندش ءِ سفارش کتگ انت۔ بلوچستان ای پی اے ءَ ڈپٹی کمشنر کوئٹہ ءَ را یک نمدی نبشتہ کتگ ات ایشی ءِ تہ دزبندی کنگ بوتگ ات کہ شہر ءِ تہ کارکنوکیں درکانودی کرشنگ پلانٹس ءِ ھلاپ ءَکارروائی کنگ بیت۔ ایجنسی ءَ نہ ایوکا شہر ءِ تہ 26 درکانودی کرشنگ پلانٹس ءِ نشاندہی کتگ بلکہ وتی رپورٹ ڈپٹی کمشنر آفس کوئٹہ ءِ تہ ھم جم کنائنت انت۔ ای پی اے ءَ بندش جتگیں درشک ھلاپ ءَ شریں کارروائی کنگ ءِ سپارش کتگ ات۔ایشی ءِ تہ اے ھم صلاح دیگ بوتگ کہ آں وتی ضلوری مڈیانی،مشینری ءُ دگرءَ را ضبط کن انت تنکہ آہاں را دوبر ایکٹو کنگ مہ بیت۔ مالی سال 2020-21ءءِ تہ ماحولیات ءِ تک ءِ دیمروئی ھاترا 0.200 بلین کلدار ایر کنگ بوتگ انت ءُ نان ڈویلپمنٹ ءِ ھاترا 0.450 بلین کلدار ایر کنگ بنت۔
