اسلام آباد ۔ 04جون (اے پی پی) بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ مزن وزیر عمران خان ءِ سمارٹ لاک ڈائون ءِ گامگیج ءِ سببب ءَ کورونا وائرس کیس آنی تہ ءَ کمی اتکگ۔ کورونا ءَ چہ جان سلامت بوھوکیں مریض آنی کساس دلجمی انت۔ ایس او پیز آنی پد ءُ رند ءَ چہ کورونا ءِ سر ءَ ٹوھیں کساس ءَ کنٹرول کنگ بوتگ۔ کورونا سرجمی ءَ ھلاس نہ بوتگ ، بیم انوگ ءَ تاں است انت۔ حکومت ٹیسٹنگ ءِ ازمکاری ءَ را گیش ودینگ بوتگ۔ اگاں ما جوانیں رنگ ءَ ایس او پییز آنی پد ءُ رندی ءَ بکن آں گڈا ہہسپتال آنی تہ ءَ رش کم بیت ءُ لیب ءُ گوازی آنی پڑ گیش بنت۔ کورونا ءِ ھلاپ ءَ جان سلامتی کارندہ اولی لائن ءَ اوشتاتگ انت۔ ایشاناں ایوک ءَ یل نہ کناں۔ ھمک رنگیں کم ءُ آسراتی پجارینگ آں۔ اے ھیالانی درشانی آئی ءَ شمبے ءِ روچ ءَ پولی کلینک ہسپتال ءِ تر ءُ تاب ءِ موہ ءَ اھوالکاراں گوں تران کنان ءَ کت۔ آئی ءَ گوشت کہ ڈاکٹر ءُ جان سلامتتی کارندہ آں ٹیمب ورک ءِ وسیلگ ءَ کورونا ھوپپ ءِ گوما دیم پہ دیمی کتگ ءُ مشکلییں ساھت ءَ الس ءِ ازمت کتگ۔ آئی ءَ گوشت کہ مزن وزیر عمران خان ءَ ھوپ ءِ ھوالگ ءَ اسلیں راستی آنی رد ءَ گامگیج کتگ۔ مزن وزیر ءَ کورونا وائرس ءِ گر ءُ دار ءِ واستہ سمارٹ لاک ڈائون کتگ۔ مزن وزیر عمران خان ءِ سمارٹ لاک ڈائون ءِ پالیشی میاں اوستمانی دگنیا ءَ ساڑاتگ۔ مزن وزیر عمران خان ء گامگیج آنی سبب ءَ کورونا وائر س کیس آنی تہ ءَ کمی اتکگ۔
